Nic Asia
Arghakhachi cement
See result
Sarbottam Cement

विश्व/प्रवास

कङ्गोमा नेपाली शान्ति सैनिकमाथि विद्रोहीको आक्रमण, २ नेपाली सैनिक घाइते



काठमाडौँ, ४ साउन - संयुक्त राष्ट्र सङ्घको आह्वानमा शान्ति स्थापनार्थ कङ्गोमा खटिएको नेपाली सेनाको शम्शेरदल गण (२३ औँ डफ्फा) को सैनिक गस्तीमाथि स्थानीय विद्रोही समूह ‘माई माई’ ले आक्रमण गर्दा दुई नेपाली सैनिक घाइते भएका छन् । Nepal-Army-Peacekeeping

हेड क्वार्टर बेनीबाट करिब २२ किमी टाढा कवास भन्ने स्थानमा भएको सो आक्रमणमा परी घाइते भएका नेपाली सैनिकको कङ्गोको गोमास्थित संयुक्त राष्ट्र सङ्घको ‘लेबल ३’ अस्पतालमा उपचार भइरहेको सैनिक जनसम्पर्क निर्देशनालयद्वारा आज जारी विज्ञप्तिमा जनाइएको छ । उपचाररत घाइते सैनिकको अवस्था सामान्य रहेको छ ।

नेपाली शान्ति सैनिकले आक्रमणको प्रतिकार गर्दा पाँच जना विद्रोहीको मृत्यु भएको छ । घटनामा विद्रोहीबाट बरामद भएका एके–४७ राइफल दुई थान र सो को एम्युनिशन ५० राउण्ड कङ्गोको राष्ट्रिय सेनालाई बुझाइएको निर्देशनालयले जनाएको छ । रासस आइतवार, आषाढ ४, २०७४ मा प्रकाशित

प्रतिक्रिया दिनुहोस

Shivam
Nic Asia
Nepal Life insurence
ncell