Nic Asia
Tata /sipradi
Sarbottam Cement

विश्व/प्रवास

नयाँ बर्ष मनाएर फर्किँदै गरेकी युवतीमाथि बीच सडकमा दूर्व्यहार (सिसीटिभी फुटेज सहित)

बैंगलोर, २० पुस– भारतको बैंगलोरस्थित कमनहलि सडकमा मोटर साइकलमा आएका दुइ अपरिचित व्यक्तिले न्यू ईयर इभ मनाएर राति घर फर्किँदै गरेकी एक युवतीमाथि दूर्व्यहार गरेको सिसीटिभी फुटेज सार्वजनिक भएको छ ।

न्यू इयर इभबाट फर्किँदै आएकी ती महिला आइतवार राति करिब साढे दुईबजेतिर रिक्साचढेर घर फर्किएकी थिइन् । रिक्साले उनलाई घरबाट करिब ५० मिटर अगाडिको बाटोमा छोडेका थिए । त्यसपछि ती महिला हिँड्दै कमनहलि सडक हुँदै घर फर्कँदै थिइन् ।

त्यति नै बेला मोटरसाइकल चढेर दुई जनाले ती महिलालाई पछ्याउँदै आइरहेका थिए । एकान्त सडकमा हिँडिरहेकी ती युवतीमाथि मोटरसाइकलमा आएका व्यक्तिले दूर्व्यहार गरेका थिए ।

मध्यराति ती महिला कराएर गुहार मागेका थिए । तर उनको सहयोग गर्ने त्यहाँ कोही पनि आएका थिएनन् । दूर्व्यहारपछि ती युवतीलाई उनीहरु सडकमा फालेर हिँड्छन् ।

कमनहलि सडकमा रहेको सिसीटिभीमा महिलामाथि भएको यो सबै दूर्व्यहार कैद भएको थियो ।

महिलामाथिको उक्त घटना सार्वजनिक भएपछि बैगलोरको मुख्य सडकपनि महिलाको लागि सुरक्षित नभएको भन्दै त्यहाँका स्थानीयले विरोध गरिरहेका छन् ।

बैंगलोरका प्रहरी कमिसनर प्रविण सुदले न्यू इयर इभको राति भएको उक्त घटनाको बारेमा प्रहरीमा एफआइआर दर्ता गरिएको र दोषीलाई कारबाही गर्ने जानकारी दिए । टाइम्स अफ इन्डिया


बुधवार, पौष २०, २०७३ मा प्रकाशित

प्रतिक्रिया दिनुहोस

Shivam
Nic Asia
Nepal Life insurence
ncell