Nic Asia
Arghakhachi cement
See result
Sarbottam Cement

फिचर

बागमती सफाइ: अतिथि फोहरमा छिर्नै डराए, सर्वसाधारणले जिउ डुबाउँदै गरे सफाइ (फोटो फिचर)

अशोक महर्जन


काठमाडौं, ३ असार– बागमती सफाइ अभियानको २१४ औं श्रृंखला अन्तर्गत शनिवार ललितपुरको थापाथलीस्थित बागमतिमा नदी किनारमा सरसफाइ गरिएको छ ।
 

बिहान ७ बजे देखि सरसफाई अभियान शुरु गर्ने भनिएपनि साढे ७ बजेमात्र औपचारिक कार्यक्रम सुरु भयो । औपचारिक कार्यक्रम नै करिब एकघण्टा लामो चल्यो । उपस्थित अतिथीहरुले बोल्नमै एक घण्टा बिताए ।

८ बजेतिर बागमती छिरेर सरसफाई सुरु भयो । सरसफाइ कार्यक्रम भने बिहान ७ बजेदेखि ९ बजेसम्मका लागि तोकिएको थियो ।  

कार्यक्रममा बागमति सरसफाई अभियानको सद्भावना दूतका रुपमा नियुक्त भएकी बलिउड अभिनेत्री मनिषा कोइराला उपस्थित  थिइन् । उनको नियुक्तीको औपचारिक घोषणा पनि त्यहीँ भयो ।

कार्यक्रममा पूर्व सहरी विकास मन्त्री अर्जुन नरसिंह केसी, मुख्य सचिव सोमलाल सुवेदी, शहरी विकास मन्त्रालयका सचिव दीपेन्द्रनाथ शर्मा, ललितपुरका मेयर चिरीबाबु महर्जन र उपमेयर गीता सत्याल, हास्य कलाकार सीताराम कट्टेल (धुर्मुस) लगायतका अतिथिहरु उपस्थित थिए ।

औपचारिक कार्यक्रम लामो चलेपछि सफाइ गर्न ढिला भएको भन्दै साझा पार्टीका नेता किशोर थापा लगायत अन्य दश जना व्यक्ति मास्क, ग्लोब्स र जुत्ता लगाएर बागमती छिरेका थिए ।

औपचारिक कार्यक्रमपछि अभियानमा सरिह हुन आएका विभिन्न संघसंस्था, नेपाल प्रहरी, नेपाली सेनाका प्रतिनीधि र सर्वसाधारणहरु बागमति सफ गर्न नदिमा पसेका थिए ।

सफाई गर्न सबैले हातमा ग्लोब्स, मास्क, पानी नछिर्ने अग्लो जुत्ता लगाएर डोको र औजार लिएर बागमती छिरेका थिए ।  

बागमती सफा गर्न सबै छिरे पनि त्यहाँ उपस्थित अतिथिहरु भने बागमतिको डिलमै बसेर हात हल्लाइरहेका देखिन्थे ।

त्यहाँ उपस्थित केहीको ध्यान भने मनिषा कोइरालासँग सेल्फी खिचाउनमा केन्द्रित भयो । सफाइमा आएको वताउने केही त ताँती नै लागेर मनिषाको पछि लागे ।

मनिषा, कांग्रेस नेता अर्जुन नरसिंह केसी लगायत केही अथितिले भने  नदिको छेउमा रहेका फोहरका केही टुक्रा उठाएर अगाडि बसिरहेका मिडिया सामु पोज दिँदै फोटो खिचाउन व्यस्त देखिए । उनीहरुले कहिले फोहर त कहिले डोको उचाल्दै फोटो खिचाए ।

बागमतीको सरसफाई गर्न आएका अरु सर्वसाधारण भने पानीमै छिरेर सफा गरिरहेका भेटिए ।
किशोर थापा लगायतको टोली भने बागमती किनारमा रहेको काँडाको तार पन्छाउन तल्लिन भेटिए । केहीले त आफ्नो आधा जीन नै भिजाएर काँडाको तार पन्छाउन प्रयास गरिरहेका थिए ।

केहीले जीउ नै भिजाएर बागमतीको फोहर सफा गरे पनि कार्यक्रममा उपस्थित भएका अतिथिहरु भने फोहर उठाएजस्तो गरेर फोटो खिचाउँदै मिडियामा चर्चा कमाउन तल्लिन देखिए ।

वास्तविक फोहर नउठाइ र सफाईमा भाग नै नलिइ ती अथिति एकैछिनमा वागमती किनारबाट गायव भए ।
ती मध्ये केही त बागमती नदिको किनारसम्म पनि नपुगी हात हल्लाउँदै बिदा भएको देखिन्थ्यो ।

मनिषा कोइराला पनि सेल्फी खिच्नेलाई पोज दिँदै र फोटो खिचाउनै बढी व्यस्त भइन् । उनको धेरै समय सरसफाई भन्दा फोटो खिचाउन मै बित्यो ।  

केही अतिथि भने सरसफाई सकेर सर्वसाधारणहरु बाहिर निस्कदासम्म मन्चमै गफिदै बसिरहेका भेटिए । औपचारिक पोशाकमा आएका उनीहरुलाई बागमतीको फोहर सफा गर्न अप्ठेरो लागेको हो या बागमतीको पानीसँग डर ? मिडियाबाजीमा खप्पिसहरु सामु यो प्रश्न उठेको छ ।



शनिवार, आषाढ ३, २०७४ मा प्रकाशित

प्रतिक्रिया दिनुहोस

Shivam
Nic Asia
Nepal Life insurence
ncell