Ruslan
Tata /sipradi
Nic Asia

खोज

नाफामूलक अस्पतालले अर्को ४८ करोड लिएको खुलासा (भाग–३)

विमल गौतम/सुशील पन्त

काठमाडौं, ५ जेठ — नाफामुखी अस्पतालहरूले हरेक वर्ष कसरी करोडौं रुपैयाँ रकम राज्यकोषबाट बुझिरहेका छन् भन्ने अर्को एउटा प्रमाण लोकान्तरले प्राप्त गरेको छ ।

स्वास्थ्य मन्त्रालयबाट प्राप्त विवरण अनुसार आर्थिक वर्ष २०७०/२०७१ मा विभिन्न ३७ वटा स्वास्थ्य संस्था एवं अस्पतालले ४७ करोड ९४ लाख रुपैयाँ बुझेका छन् । लोकान्तरलाई प्राप्त कागजातले प्रत्येक वर्ष प्रायः उही संस्थाहरूले करोडौं रकम लिइरहेको देखिएको छ ।

शक्ति र पहुँचका आधारमा त्यसरी मोटो रकम लिनेमा राजधानीमै सञ्चालित अस्पताल छन् ।

यस अघि आर्थिक वर्ष २०७१÷०७२ मा बजेट उपशीर्षक नं ३७०१३४३ अन्तर्गत अस्पताल, स्वास्थ्य केन्द्र, उपचार केन्द्र, परिषद्, समूह, संघ, ट्रस्ट, प्रतिष्ठान र तालिम केन्द्र गरी ४३ वटा विभिन्न संस्थालाई स्वास्थ्य मन्त्रालयले ६५ करोड २३ लाख रुपैयाँ वितरण गरेको तथ्य लोकान्तरले सार्वजनिक गरेको थियो ।

आर्थिक वर्ष २०७०÷२०७१ मा धुलिखेल अस्पताल (आठ करोड), मनमोहन मेमोरियल सामुदायिक अस्पताल (६ करोड), नेपाल क्यान्सर अस्पताल नेपालगञ्ज (६ करोड), महेन्द्र नारायणनिधि मेमोरियल अस्पताल (६ करोड), जनस्वास्थ्य सरोकार ट्रस्ट (६ करोड), विपी नेत्र प्रतिष्ठान (४ करोड) रकम राजयकोषबाट लिएका छन् । त्यसैगरी सुष्मा कोइराला मेमोरियल ट्रस्ट (तीन करोड), शहीद स्मृति प्रतिष्ठान, झापा (एक करोड), नागरिक सामुदायिक टिचिङ अस्पताल, भक्तपुरले (एक करोड), स्पाइनल इन्जुरी पुनःस्थापना केन्द्र (एक करोड) रकम बुझेका छन् ।

क—कसले कति लिए, हेरौं कागजी विवरण:  

[caption id="attachment_4008" align="alignright" width="928"]Anudan II                                                                                                                                                                                                                                         स्रोतः स्वास्थ्य मन्त्रालय[/caption]

यसरी रकम लिनेमध्ये मुनाफारहित स्वास्थ्य संस्था थोरै मात्र छन् । विना मापदण्ड र कार्यविधि यति ठूलो रकम वितरण गरिएको स्वास्थ्य मन्त्रालयका सहसचिव एवं प्रवक्ता महेन्द्रप्रसाद श्रेष्ठले लोकान्तरलाई बताउनुभयो ।

सबैभन्दा कम लिनेले ४ लाख ५० हजार र बढी लिने ८ करोड रुपैयाँसम्म सरकारी कोषबाट बुझेको देखिएको छ । नाफामा रहेका अस्पतालले समेत एड हक बेसिस् (हचुवा आधार) मा मोटो रकम लिने गरेको श्रेष्ठको भनाइ छ ।

आर्थिक वर्ष २०७१÷२०७२ मा स्वास्थ्य मन्त्रालयबाट मोटो रकम लिनेमा मनमोहन सामुदायिक अस्पताल, महेन्द्रनारायण निधि अस्पताल, किशोरीप्रसाद नेपाल सामुदायिक स्वास्थ्य केन्द्र, पाल्पा, राष्ट्रिय मृगौला उपचार केन्द्र, धुलिखेल अस्पताल लगायत छन् ।

सरकारी अनुदान लिइरहेका अधिकांश अस्पतालहरूले भवन निर्माण र उपकरण खरिदका लागि भनेर रकम बुझेको देखिएपनि उनीहरूले सर्वसाधारणलाई निःशुल्क वा सहुलियतमा उपचार सुविधा उपलब्ध गराएको नपाइएको स्वास्थ्य मन्त्रालयका अधिकारीहरूले बताए ।

प्रत्येक वर्ष विना मापदण्ड पहुँचका आधारमा नाफामूलक अस्पतालले मोटो रकम लिएको भन्दै सरकारले हालै एक निर्देशिका जारी गरेर त्यसमा रोक लगाइदिएको छ ।

हेर्नुहोस् यी लिङ्कहरु पनि :

अस्पताल र संघसंस्थालाई ६५ करोड बाँडियो (भाग–१)

भनसुन र दबाबमा अस्पतालले अब अनुदान नपाउने, ४५ करोड रोक्का (भाग–२)

बिहिवार, मंसिर ३०, २०७३ मा प्रकाशित

प्रतिक्रिया दिनुहोस

Shivam