खोज/विशेष : खोज

पूर्वप्रधानमन्त्री र पत्रकार झुक्याउँदै चार लाख ठग्ने गायक पक्राउ, समातिएको केहीबेरमै रकम चुक्ता

काठमाडौं २० असार – ठग्दै हिंडेका गायक हेमन मोक्तानलाई प्रहरीले पक्राउ गरेको छ । प्रहरी नियन्त्रणमा आए लगत्तै तिर्नुपर्ने रकम चुक्ता गरेर उनी थुनामुक्त भएका छन् ।


एचआइभी संक्रमित बालबालिकाको हेरचाहको लागि खोलिएको संस्थाका लागि च्यारिटी सो मार्फत उठेको रकम नदिइ उनले अनेक बहाना वनाउँदै आएका थिए ।

त्यहिँ रकम ठगेको आरोपमा उजुरी परेपछि अपराध अनुसन्धान महाशाखा टेकुले उनलाई मंगलवार तीनघण्टा नियन्त्रणमा लिएर केरकार गरेको थियो ।

संस्थाको रकम चुक्त नगरे ठगी मुद्दा चलाउने चेतावनी पछि गायक मोक्तानले आजै रकम चुक्त गरेको रसिद प्रहरीलाई वुझाएका हुन् ।

‘उनी विरुद्द उजुरी परेको थियो । हामीले रकम फिर्ता नगरे ठगीमा मुद्दा चल्ने चेतावनी दिएपछि उनले आजै रकम चुक्ता गरेको रसिद वुझाएका छन्’ अपराध महाशाखाका प्रहरी उपरीक्षक (एसपी) श्याम ज्ञवालीले लोकान्तरलाई वताए ।  

असार ३ गते गायक हेमनले एचआइभी संक्रमित बालबालिकाको सहयोगको लागि कतारबाट संकलित ४ लाख १६ हजार ७५ रुपैयाँ संकलन गरेपनि संस्थालाइ नदिएको भन्दै बेबी लाइफ होमले टेकुस्थित अपराध अनुसन्धान महाशाखामा उनि विरुद्ध उजुरी दर्ता गरेको थियो ।

विभिन्न पत्रपत्रिकामा रकम वितरण गरेको समाचार प्रकाशित गरेपनि ८ महिनासम्म रकम नपाएको भन्दै संस्थाले प्रहरीमा उजुरी गरेको थियो ।

प्रहरीमा उपस्थित भएर १ हप्ताभित्र बेबी लाइफ होमको अक्षयकोषमा जम्मा गर्ने भनिएपनि जम्मा नगरेर अटेर गर्दै बसेपछि प्रहरीले मंगलवार गायक हेमनलाई नियन्त्रणमा लिएको थियो । प्रहरी महाशाखाको नियन्त्रणमा परेपछि गायक हेमन तर्सिएका थिए । लगतै उनले आफ्ना साथीभाइलाई टेलिफोन गरी बेबी लाइफ होमको अक्षयकोषमा दुई घण्टा भित्रमै रकम जम्मा गरेका थिए ।

गायक हेमनले प्रभु बैंकमा रहेको बेबी लाइफ होमको अक्षयकोषमा ३ लाख १६ हजार रकम जम्मा गरेका छन् । अक्षयकोषमा रकम जम्मा गरेपछि भने प्रहरीले गायक हेमनलाई छाडेको थियो ।  

गायक हेमनले पैसा संस्थाको खातामा जम्मा गरिदिएका बेबी लाइफ होमका सञ्चालक राजकुमार पुनले लोकान्तरलाई बताए ।
यसअघि लोकान्तर डटकमले पूर्वप्रधानमन्त्री माधवकुमार नेपाल  र पत्रकारलाई झुक्काउँदै गायक हेमनले चार लाख रुपैयाँ हजम पारेको खोज खबर सार्वजनिक गरेको थियो ।

यो लिंक पनि हेरौं :
गायकको ‘ठगी’ धन्दा : पूर्वप्रधानमन्त्री र मिडियालाई झुक्याउँदै ४ लाख हजम ! असार २०, २०७४ मा प्रकाशित

प्रतिक्रिया दिनुहोस