उपभाेक्ता

स्याओमी फोनले बनायो कीर्तिमान : ८४ सेकेन्डको औसतमा बिक्यो फोन, एकैछिनमा सकियो स्टक

काठमाडौं, २३ कात्तिक — चिनियाँ कम्पनी स्याओमीले नयाँ स्मार्टफोनको बिक्रीमा नयाँ कीर्तिमान कायम गरेको छ । 

स्याओमीले हालै पहिलो सेल्फीसेन्ट्रिक स्मार्टफोन रेडमी वाई१ र रेडमी वाई१ लाइट भारतमा सार्वजनिक गरेको थियो । बुधवार यी स्मार्टफोनहरू पहिलोचोटि अनलाइनमा बिक्रीमा राखिए ।

तीन मिनेटमा सबै फोनको स्टक आउट भयो । 

स्याओमी इन्डियाका निर्देशक मनु कुमार जैनले ट्वीट गर्दै कम्पनीले पहिलो सेलमै दुवै स्मार्टफोन डेढ लाखवटा बेचेको बताए । यी स्मार्टफोन फेरि १५ नोभेम्बरमा बिक्रीका लागि उपलब्ध हुन्छन् । 

सोह्र एमपी सेल्फी क्यामरा भएको रेडमी वाई१ सस्तो फोन हो । रेडमी वाई१ को तीन जीबी –याम र ३२ जीबी स्टोरको मूल्य १५ हजार रुपैयाँ अनि चार जीबी –याम र ६४ जीबी स्टोरको मूल्य १८ हजार पर्छ । 

ओप्पो र भीभो फोनले सेल्फी क्यामरामा बजार कब्जा गरेको भएपनि स्याओमीले चुनौती पेश गरेको छ । 

एजेन्सी

कात्तिक २३, २०७४ मा प्रकाशित

प्रतिक्रिया दिनुहोस