नेपालले बंगलादेशलाई दियो १८१ रनको लक्ष्य

क्वालालम्पुर, २५ कात्तिक– मलेसियामा शुक्रवारदेखि शुरु भएको एसीसी १९ वर्षमुनिको एसिया कप क्रिकेट प्रतियोगिता आफ्नो पहिलो खेलमा नेपालले बंगलादेशसामू १८१ रनको लक्ष्य प्रस्तुत गरेको छ । 

शुक्रवार विहान मलेसियाको क्वालालम्पुरस्थित किनरारा मैदानमा टस हारेर ब्याटिङ शुरु गरेको नेपालले ४०.१ ओभरमा ७ विकेट गुमाउँदै  १६७ रन बनाउँदा बर्षाका कारण खेल स्थगित भएपछि डकवर्थ लुइसको नियममा बंगलादेशले १८१ रनको लक्ष्य पाएको हो । 

नेपालका लागि भीम सार्कीले सर्वाधिक ४४ रन बनाउँदै आउट भइसकेका छन् । यस्तै नेपालका लागि रोहित कुमारले ४०, आसिफ शेखले ३० र अनिल साहले १९ रनको योगदान पुर्याए । 

कप्तान दिपेन्द्रसिंह ऐरी ४१ बलमा १२ रन बनाएर आउट हुँदा अन्य ब्याट्सम्यानले दोहरो अंक जोड्न सकेनन् । 
 

कात्तिक २५, २०७४ मा प्रकाशित

प्रतिक्रिया दिनुहोस