खेलकुद

बिहे नगरेरै कसरी ४ सन्तानका पिता बने रोनाल्डो ?

रियल म्याड्रिडका स्टार फुटबलर त्रिस्टियानो रोनाल्डो फेरि पिता बनेका छन् । उनकी गर्लफ्रेन्ड जार्जिना रोड्रिग्जले एक नयाँ छोरीलाई जन्म दिएकी छन् । 

रोनाल्डोले खुसी हुँदै सामाजिक सञ्जाल इन्स्टाग्राममा लेखेका छन्, ‘अलाना मार्तिनाको भर्खरै जन्म भएको छ । जियो र अलाना दुवै ठीक छन् । हामी धेरै खुसी छौं ।’

 

A Alana Martina acaba de nascer! Tanto a Geo como a Alana estão muito bem! Estamos todos muito felizes! ❤️

A post shared by Cristiano Ronaldo (@cristiano) on

रोनाल्डो जुम्ल्याहा बच्चा इवा मातेओका पनि पिता हुन् । उनीहरुको जन्म यही वर्षको जुनमा भएको थियो । उनले आफ्नी गर्लफ्रेन्ड जार्जिना र ७ वर्षीय छोरा क्रिस्टियानो जूनियरको पनि तस्बिर ट्वीटरमा सेयर गरेका छन् । 

रोनाल्डो र स्पेनकी मोडेल जार्जिना रोड्रिग्ज विगत लामो समयदेखि सम्बन्धमा छन् । तर दुवै जनाले अहिलेसम्म विवाह गरेका छैनन् । 

 

यो भन्दा पहिलो जुन महिनामा रोनाल्डोका घरमा सरोगेसीको माध्यमबाट जुम्ल्याहा बच्चा जन्मिएका थिए । 

 

So happy to be able to hold the two new loves of my life 🙏❤

A post shared by Cristiano Ronaldo (@cristiano) on

नयाँ छोरीको जन्मसँगै रोनाल्डो ४ बच्चाका पिता बनेका छन् । रोनाल्डोका जेठा छोरा ७ वर्षका छन् ।

सन् २०१६ को यूरोकप विजेता पोर्चुगेली फुटबल टिमका कप्तान रोनाल्डो जुन २०१० मा पहिलोपटक पिता बनेका थिए । 

उनको पहिलो बच्चा पनि सरोगेट (भाडामा लिइएकी) आमाबाट जन्मिएका हुन् । 
 

कात्तिक २८, २०७४ मा प्रकाशित

प्रतिक्रिया दिनुहोस