विश्व/प्रवास

उत्तर कोरियाको सीमामा अमेरिकाले उता–यो सयौं जेट विमान, युद्ध भड्केला ?

काठमाडौं, २० मंसिर — उत्तर कोरियाले लामो दूरीको ब्यालिस्टिक क्षेप्यास्त्र परीक्षण गरेपछि अमेरिकाले अहिले शक्ति प्रदर्शन गरिरहेको छ । 

अमेरिकाले दक्षिण कोरियासँग मिलेर ओसान एयरबेसमा संयुक्त सैन्य अभ्यास गरिरहेको छ । पाँच दिनसम्म चल्ने यस अभ्यासमा अमेरिकाले अत्याधुनिक २३० लडाकू विमान र १६ हजार वायुसैनिकलाई उतारेको छ ।

दक्षिण कोरियामा पहिलेदेखि नै रहेका चार हजार अमेरिकी सैनिक पनि अभ्यासमा समावेश छन् । 

अमेरिकाले दक्षिण कोरियासँग अघिल्लो वर्ष पनि सैन्य अभ्यास गरेको थियो । त्यतिखेर जलसेनासहित १५ हजार सैनिकले भाग लिएका थिए । 

अमेरिकाले एफ २२ –याप्टर समेत दुई दर्जन विमान उतारेको छ । त्यसलाई कुनै राडारले पनि समात्न सक्दैन । 

उत्तर कोरियाले यस सैन्यअभ्यासलाई उत्तेजक कदम भनेको छ । आणविक युद्ध भयो भने अमेरिका नै त्यसका लागि जिम्मेवार हुनेछ भनी उत्तरले टिप्पणी गरेको छ । 

एजेन्सी
 

मंसिर २०, २०७४ मा प्रकाशित

प्रतिक्रिया दिनुहोस