विश्व/प्रवास

मोदी नीच खालका मानिस हुन् : मणिशंकर अय्यर

काठमाडौं, २१ मंसिर — डा अम्बेडकर इन्टरनेसनल सेन्टरको उद्घाटनका अवसरमा नरेन्द्र मोदीले भारतीय कांग्रेस अध्यक्ष राहुल गान्धीलाई गरेको व्यंग्यप्रति कांग्रेसले कडा प्रतिक्रिया दिएको छ । 

कांग्रेस नेता मणिशंकर अय्यरले भने, ‘मलाई यो मानिस (मोदी) नीच खालको मानिस लाग्छ । उसमा सभ्यता छैन । पावन अवसरमा पनि उसले फोहोरी राजनीति गर्छ ।’

मोदीले उद्घाटनको अवसरमा राहुलको नाम नलिइकनै जुन राजनीतिक दलले बाब अम्बेडकरको नाम लिएर राजनीति गर्छन् उनीहरूलाई बाबासाहब नभई भोले बाबा याद आइरहेको छ भनेका थिए । 

मोदीले बिहीवार उद्घाटन समारोहमा भने, ‘हामीले बाबा अम्बेडकरको सपना पूरा गर्न नसकेको स्वीकार गर्नुपर्छ । आधुनिक पुस्ताले सामाजिक खराबीको अन्त्य गर्ने क्षमता राख्छ । यो देश जातको नाममा बाँडिएर अघि बढ्न सक्दैन ।’

त्यसैबेलामा मोदीले गुजरात चुनावका बेलामा राहुल गान्धीले मन्दिर गएको विषयमा व्यंग्य गरेका थिए ।

एजेन्सी
 

मंसिर २१, २०७४ मा प्रकाशित

प्रतिक्रिया दिनुहोस