विश्व/प्रवास

अमेरिकाको क्यालिफोर्नियामा भीषण डढेलो, डेढ लाख मानिस विस्थापित

काठमाडौं, २१ मंसिर — अमेरिकाको दक्षिण क्यालिफोर्नियाको जंगलमा भीषण डढेलो लागेपछि ६५ हजार एकड क्षेत्र तहसनहस भएको छ । दुई दिनदेखि आगो लगिरहेका कारण राज्यमा संकटकाल घोषणा गरिएको छ ।

यस क्षेत्रबाट डेढ लाख मानिस हटाइएका छन् । एक हजार अग्निनियन्त्रकहरू आगो निभाउन व्यस्त छन् । 

आगोका कारण हजारौं घरमा क्षति पुगेको छ । एकसय ६० भवन पूरै नष्ट भएका छन् । पैैतालीस हजार घरमा बिजुली छैन ।

कुल पाँच इलाकामा आगो लागेको छ । भेन्तुरामा लुटपाट रोक्नका लागि कर्फ्यु लगाइएको छ । 

डढेलोको धूँवा ८०० किलोमिटर परसम्म देखिन्छ । 

पानी पर्ने कुनै लक्षण नदेखिएको र ५५ किलोमिटर प्रतिघन्टाको गतिमा हावा चलिरहेकोले आगो फैलिँदो छ । 

मानिसहरू सुरक्षित ठाउँतिर गइरहेका छन् । सबभन्दा भीषण डढेलो थमस भन्ने ठाउँमा लागेको छ । 

यसै वर्ष मात्र क्यालिफोर्नियामा तीनवटा भीषण आगलागी भइसकेका छन् । 

एजेन्सी
 

मंसिर २१, २०७४ मा प्रकाशित

प्रतिक्रिया दिनुहोस