काठमाडौं, ४ असोज– रक्त क्यान्सरबाट पीडित भएकी काभ्रेकी १४ वर्षिया रोशनी त्रिपाठीलाई आर्थिक सहयोग जुट्न थालेको छ ।

रोशनीको परिवारको आर्थिक अवस्था कमजोर भएकाले उपचार गराउन समस्या भएको भन्ने जानकारी पाएपछि लोकान्तर डटकममा रोशनीको विषयमा गत असोज २ गते ‘बाँच्न चाहन्छिन् रोशनी’ शिर्षकमा समाचार प्रकाशित भएको थियो ।

लोकान्तरमा समाचार आएपछि रोशनीको परिवारलाई आर्थिक सहयोग जुट्न थालेको हो । काभ्रे, काठमाडौ लगायत विभिन्न ठाउँका व्यक्तिहरुले अस्पतालमै पुगेर रोशनीलाई आर्थिक सहयोग गरेका छन् ।

हालसम्म ४० हजार ८ सय रकम सहयोग पाप्त भएको रोशनीकी आमा सीता त्रिपाठीले लोकान्तरलाई बताइन् ।
‘मंगलबार चार पाँच जना दाईहरु आउनु भएको थियो । काठमाडौं र काभ्रेबाट उहाहरुले एकजनाले २५ हजार, ५ हजार र २ हजार सहयोग गर्नुभयो । बुधबार बिहान पनि केहि व्यक्तिहरु आएर सहयोग गर्नुभएको छ’ गीताले लाकोन्तरसंग भनिन्, ‘विदेश र नेपालकै काठमाडौं, काभ्रे, धादिङ लगायतका ठाउँबाट पनि सहयोग गछौं भनेर फोन गरीरहनु, भएको छ । अब चाहि छोरीको उपचार राम्रोसंग हुन्छ भन्ने आशा पलाएको छ ।’

लोकान्तरमा समाचार पढेर रोशनीको अवस्थाको विषयमा जानकारी पाएर अस्पतालमै सहयोग गर्न आएको सहयोगिहरुले बताएको सीताले सुनाइन् ।

आफ्नो छोरीको समस्याको विषयमा समाचार बनाएर सहयोग पुगेको भन्दै सीताले खुसी व्यक्त गरीन् । ‘तपाइहरुले समाचार लेखिदिएपछि रोशनीलाई सहयोग जुटन थालेको छ, म गरिवकी छोरीको पनि उपचार हुने भयो’ उनले भावुक हुँदै भनिन् ।

रोशनीलाई रक्त क्यान्सर भएपछि उनी एक महिनाअघि देखि काठमाडौंको कान्ति बाल अस्पतालको अंकोलोजी साखाको शैया नंबर ४ सय ४२ मा उपचारत छिन् ।

रोशनीलाई उपचार खर्च सहयोग गर्न चाहने व्यक्तिले बैंक मार्फत पनि रकम सहयोग गर्न रोशनीकी आमा सीताले अनुरोध गरेकी छन् ।

सहयोगको लागि काभ्रेको बनेपामा रहेको प्रभु बैंकको सीता त्रिपाठीको नाममा रहेको खाता नंबर ०१९०१८००६४२०७१०००००१ सहयोग गर्न सक्नेछन् । रोशनीलाई बचाउन ९८१३८०८८७८ नम्बरमा फोन गरेर पनि सहयोग गर्न सकिने आमा सीताले बताइन् ।

पढ्नुस् यो पनि

बाँच्न चाहन्छिन् रोशनी

---

---