काठमाडौं,२३ असोज नेपाल निर्माण व्यवसायी महासंघका अध्यक्ष शरदकुमार गौचनको सोमबार दिउँसो वानेश्वरमा गोली हानी हत्या गरिएको छ ।

राजधानीको मुटु वानेश्वरको शन्तिनगर क्षेत्रमा उनीमाथि गोली प्रहार भएको हो । गोली लागेसँगै निजामती अस्पताल पुर्याीइएका गौचनको चिकित्सकले गोली निकालेसँगै निधन भएको थियो ।

राजधानीको सामाखुसीमा कार्यलय रहेका गौचन शान्तिनगर हुँदै त्यसतर्फ जाँदै थिए । तर बाटो ढुँकेर बसेका ‘सुटर’ले उनीमाथि गोली चलाएका थिए ।

प्रत्यक्षदर्शीका अनुसार गाडीमा सवार गौचनमाथि गोली चलाउनुभन्दा पहिला उनको गाडीमा ढुंगा हानिएको र लगत्तै तीन गोली प्रहार गरिएको थियो । गौचनको टाउको, छाती र वायाँ कोखामा गोली लागेको छ ।

तस्वीर : अशोक महर्जन

---

---