कात्तिक २४, २०८०
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
काठमाडौं, २९ कात्तिक – वैदेशिक रोजगार विभागका महाप्रबन्धक विश्वराज पाण्डेलाई बुधवार दिउँसो अख्तियार दुरुपयोग अनुसन्धान आयोगको विशेष समूहले पक्राउ गरेको छ । प्रहरी नायव उपरीक्षक (डीएसपी) नेतृत्वमा खटिएको अख्तियार प्रहरीले उनलाई काठमाडौं चावहिलको अम्बे अपार्टमेन्टबाट नियन्त्रणमा लिएको हो ।
पाण्डे अपार्टमेन्टमा बस्दै आएका थिए । अख्तियार स्रोतका अनुसार पाण्डेले आफू पक्राउ पर्ने भेउ मंगलवार नै पाएका थिए । किनकी मंगलवार अख्तियारले घुस रकम बुझ्न जाने पाण्डेका दुई जना सहयोगीलाई काठमाडौंको बानेश्वरबाट पक्राउ गरेको थियो ।
बुधवार पाण्डेले आफूलाई सबैभन्दा असुरक्षित महशुश गरे । पाण्डेले अपार्टमेन्टका गार्डलाई ‘कोही आए छैन भन्दिनू’ भन्ने आदेश दिएर अपार्टमेन्टमा ढोका थुनेर बसेका थिए । प्रहरीले खाज्दै जाँदा ढोका थुनेर बसेका पाण्डेलाई अपार्टमेन्टबाटै उठाएको हो ।
‘हामीले पाण्डेलाई हिँजो नै समाउन खाजेका थियौं, तर मोबाइल स्वीच अफ गरेर बसेका थिए,’ अख्तियार स्रोतले लोकान्तरलाई भन्यो, ‘उनको मोबाइल स्वीच अफ भएपछि बिहानैदेखि अपार्टमेन्टमा निगरानी राखेका थियौं ।’
स्रोतले थप्यो, ‘गार्डलाई समेत कोही आए छैन भन्दिनू भनेर अपार्टमेन्टमा लुकेर बसेका रहेछन् । हामीले अपार्टमेन्टबाटै नियन्त्रणमा लियौं ।’
पाण्डेलाई १० लाख रुपैयाँ घुस खाएको आरोपमा अख्तियारले समाएको हो । अख्तियारले मंगलवार विभागककै शाखा अधिकृत र नायब सुब्बालाई नियन्त्रणमा लिएको थियो ।
अख्तियारले मंगलवार शाखा अधिकृत कृतिबल्भ कोइराला र सुब्बा खड्ग केसीलाई १० लाख रुपैयाँ घुस लिँदै गर्दा समाएको थियो । हिँजोकै घुसकाण्डमा अनुसन्धानका क्रममा पाण्डे पक्राउ परेका हुन् ।
उक्त १० लाख घुसको कनेक्सन पाण्डेसँग पनि जोडिएको अख्तियारको प्रारम्भिक अनुसन्धानले देखाएको छ ।
वैदेशिक रोजगार न्यायाधीकरणमा विचाराधिन मुद्दा मिलाइदिने प्रलोभनमा पारेर पाण्डेकै मतियारको रुपमा पौडेलले र केसीले हिजो घुस लिएको अख्तियारको प्रारम्भीक अनुसन्धानले देखाएको छ ।
अख्तियार स्रोतका अनुसार हिँजो पक्राउ परेका अधिकृत र सुब्बा पाण्डेका मतियार मात्रै हुन् । उनीहरु पाण्डेकै निर्देशनमा घुस लिन गएका थिए । पाण्डेले घुस लिन आफू नगएर दुई कर्मचारीलाई पठाएका थिए । घुसको सम्पूर्ण बार्गेनिङ पाण्डेले नै गरेका थिए ।
उनले म्यानपावर व्यवसायीसँग १५ लाखको बार्गेनिङ गरेका थिए । तर अन्तिममा १० लाखमा कुरा मिलेको थियो । पाण्डेलाई म्याद थपेर थप अनुसन्धान गर्ने तयारी अख्तियारले गरेको छ । अख्तियारले पाण्डेलाई घुस बुझाउने म्यानपावर व्यवसायिको विवरण सार्वजनिक गरेको छैन ।
पाण्डेमाथि म्यानपावर दर्ता गर्दा घुस खाएको, अबैध श्रम स्वीकृति दिएर मान्छेलाई विदेश पठाएको लगायतका आरोप समेत छन् । पाण्डेसँग अकुत सम्पत्ति रहेको गुनासा पनि छन् ।
उनले केही समय अघि काठमाडौं नक्साल नारायणचौरमा रहेको घर बेचेर हुण्डीबाट अमेरिका पैसा पठाएको समाचारहरू समेत सार्वजनिक भएका थिए । तीन वर्षसम्म विभागमा काम गरेका पाण्डेले अकुत पैसा कमाएको आरोप पनि छ ।
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ । लिखित र ट्रायल परीक्षा नै नलिई अवैध ढंगले ठूलो परिमा...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
सूचनाको हकसम्बन्धी ऐन, २०६४ बमोजिम प्रधानमन्त्रीका सचिवालय सदस्यहरूको नियुक्ति तथा पारिश्रमिकसम्बन्धी विवरण उपलब्ध गराएबापत प्रधानमन्त्री कार्यालयकी सूचना अधिकारी कविता फुयाँलको जिम्मेवारी खोसिएको छ । करिब ५ वर्...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...