प्रतिनिधिसभा र प्रदेशसभाको प्रत्यक्ष तर्फ काठमाडौं उपत्यकाको मतगणना सकिएसँगै समानुपातिकको मतगणना शुरु भएको छ । 

काठमाडौ जिल्लाको प्रतिनिधिसभा र प्रदेशसभाको मतगणना जारी छ । 

पछिल्लो विवरण अनुसार काठमाडौंमा विवेकशील साझा पार्टीले समानुपातिममा तेस्रो स्थान हात पारेको छ । 

प्रतिनिधिसभाको समानुपातिकमा काठमाडौं उपत्यकामा नेपाली कांग्रेसले अग्रता बनाएको छ । कांग्रेसले ११ हजार २ सय २३ मत प्रतिनिधिसभा तर्फ र १० हजार ६ सय८७ मत पाएको छ । दोस्रो स्थानमा रहेको नेकपा एमालेले प्रतिनिधिसभा तर्फको समानुपातिकमा ८ हहजार ५ सय ९ मत पाउँदा प्रदेशसभाको समानुपातिकमा ८ हजार ६६ मत पाएको छ । 

तेस्रो स्थानमा रहेको विवेकशील साझा पार्टीले प्रतिनिधिसभाको समानुपातिकमा ७ हजार ७ सय ५७ मत पाउँदा प्रदेशसभाको समानुपातिकमा ८ हजार ४७ मत पाएको छ । 
चौंथो स्थानमा माओवादी केन्द्र रहेको छ  । उसले प्रतिनिधिसभाको समानुपातिकमा २ हजार २ सय २४ मत पाउँदा प्रदेशसभाको समानुपातिकमा २ हजार २ सय ९६ मत पाएको छ ।