रेशम चौधरीलाई प्रमाणपत्र दिइएन, काठमाडौं पठाइयो

कैलाली, २७ मंसिर— टीकापुरकाण्डका आरोपी भएपनि चुनाव जितेका रेशम चौधरी प्रमाणपत्र लिनबाट बञ्चित भएका छन् । 
कैलाली निर्वाचन क्षेत्र नम्बर १ बाट चौधरी प्रतिनिधिसभा सदस्यमा विजयी भएका छन् । प्रहरीको फरार सूचिमा रहेका उनले अज्ञातस्थलबाट सञ्चारमाध्यमलाई अन्तर्वार्ता लिँदै आफ्नो जसरी उम्मेदवारी दर्ता भएको थियो त्यसैगरी प्रमाणपत्र पनि पाउनुपर्ने बताउँदै आएका छन् ।
 तर निर्वाचन आयोगले चौधरी आफैं प्रमाणपत्र लिन उपस्थित हुनुपर्ने बताएपछि उनलाई नदिइ सो काठमाडौं पठाइएको छ  ।
दुई दिन भित्र रेशम आफै उपस्थित भई प्रमाणपत्र लिन नआए निर्वाचन आयोगले उक्त प्रमाणपत्र केन्द्रमा  पठाइदिन आदेश दिएअनुसार बुधवार साँझ उक्त प्रमाणपत्र पठाइएको निर्वाचन अधिकृत खिमानन्द भुषालले जानकारी दिए । 


 

मंसिर २७, २०७४ मा प्रकाशित

प्रतिक्रिया दिनुहोस