काठमाडौं, २८ मंसिर– प्रदेश तथा प्रतिनिधिसभा निर्वाचनअन्तर्गत प्रत्यक्षतर्फ सबै ठाउँको नतिजा सार्वजनिक भइसकेको अवस्थामा अहिले समानुपातिकतर्फको मतगणना भइरहेको छ । आयोगले अहिलेसम्म ६० जिल्लाको समानुपातिकतर्फको मतगणना भइसकेको जनाएको छ । 

समानुपातिकतर्फ पनि नेकपा एमालेले अग्रता हासिल गरिरहेको छ । र निकट रहेर नेपाली कांग्रेसले पछ्याइरहेको छ । 

दिउँसो २ बजेसम्मको अपेडटअनुसार नेकपा एमालेले २७ लाख २३ हजार ४ सय ९० मत प्राप्त गरेको छ । उक्त मत हालसम्म गणना भएको कूल मतको ३४ प्रतिशत हो । यसअघि बिहीवार विहानसम्म एमालेको मत प्रतिशत ३४.८ प्रतिशत थियो । 

यस्तै नेपाली कांग्रेसले २६ लाख ३५ हजार ४ सय ७५ मत प्राप्त गरेको छ । उक्त मत हालसम्म गणनाभएको कूल मतको ३२.९ प्रतिशत हो । यसअघि बिहीवार विहानसम्म कांग्रेसको मत प्रतिशत ३३.३ प्रतिशत थियो । 

नेकपा माओवादी केन्द्रको मत प्रतिशत भने यथावत रहेको । माओवादीले अहिलेसम्म १० लाख ९१ हजार ८ सय १५ मत प्राप्त गरेको छ । उक्त मत हालसम्म गणनाभएको कूल मतको १३.६ प्रतिशत हो । यसअघि बिहीवार विहानसम्म माओवादीको मत प्रतिशत १३.६ नै थियो । 

प्रमुख तीन दलका अलवा मेधेस केन्द्रित दुई दल संघीय समाजवादी फोरम र राष्ट्रिय जनता पार्टीले पनि ३ प्रतिशतको थ्रेसहोल्ड कटाइसकेका छन् । 

संघीय फोरमले अहिलेसम्म ३ लाख ८५ हजार ७ सय ६१ अर्थात् अहिलेसम्म गणना भएको कूल मतको ४.८ प्रतिशत मत पाएको छ । यस्तै राष्ट्रिय जनता पार्टीले ३ लाख २३ हजार ८ सय ९१ अर्थात् अहिलेसम्म गणना भएको कूल मतको ४ प्रतिशत मत प्राप्त गरेको छ । 

प्रत्यक्षमा एउटा पनि सीट नजितेर राष्ट्रिय दलको मान्यता पाउने संभावना गुमाइसकेको विवेकशील साझा समानुपातिकतर्फ भने ३ प्रतिशतको थ्रेसहोल्ड कटाउन संघर्षरत छ । 

यसअघिसम्म राष्ट्रिय प्रजातन्त्र पार्टीभन्दा पनि पछाडि रहेको विवेकशील साझाले समानुपातिकतर्फ उसलाई उछिनेको छ । समानुपातिक मतगणनाको छैटौं स्थानमा रहेको विवेकशील साझाले अहिलेसम्म कूल गणना भएको मतको २.२ प्रतिशत अर्थात् १ लाख ७९ हजार ९ सय ५३ मत प्राप्त गरेको छ । विवेकशीलले ३ प्रतिशतको थ्रेसहोल्ड कटाए मात्र समानुपातिकतर्फ उक्त पार्टीले ४ सीट पाउने छ । 

विवेकशीलभन्दा पछाडि रहेको कमल थापा नेतृत्वको राप्रपाले अहिलेसम्म गणना भएको कूल मतको २.२ प्रतिशत अर्थात् १ लाख ७८ हजार ९ सय ८ मत प्राप्त गरेको छ । राप्रपाले समानुपातिकतर्फ ३ प्रतिशतको थ्रेसहोल्ड कटाए राष्ट्रिय दलको मान्यता पाउने छ । राप्रपाले यसअघि झापा–३ मा प्रत्यक्षतर्फ एक सीट जितिसकेको छ । 

हेर्नुहोस् कुन दलले कति प्रतिशत मत पाए,