ऋषि धमलाको प्रश्नमा प्रचण्डको इसारा, ओलीले दिए यस्तो जवाफ

पुस २, २०७४

काठमाडौं, २ पुस– नेकपा एमाले र नेकपा माओवादी केन्द्रको वाम गठवन्धनले आइतवार दिउँसो राजधानीको अन्नपूर्ण होटेलमा संयुक्त पत्रकार सम्मेलन आयोजना गरेको थियो । दिउँसो २ बजेदेखि शुरु हुने भनिएको पत्रकार सम्मेलनका लागि १ बजेदेखि नै सञ्चारकर्मीहरु अन्नपूर्ण होटेलमा जम्मा भइसकेका थिए । तर पत्रकार सम्मेलन करिव १ घण्टा ढिलो गरी शुरु भयो । पत्रकार सम्मेलनको शुरुमै एमाले उपाध्यक्ष भीम रावलले संयुक्त प्रेस वक्तव्य पढेर सुनाए । 

वक्तव्य पढेर सुनाइएपछि पत्ररकारले प्रश्न गर्न पाउने भनियो । पत्रकारको प्रश्नको जवाफ दिन एमाले अध्यक्ष ओली र माओवादी अध्यक्ष प्रचण्ड तयार थिए । 

अन्य पत्रकार सम्मेलनमाजस्तै त्यहाँ पनि पहिलोपटक प्रश्न सोध्न पत्रकार ऋषि धमला अगाडि सरे । ‘पार्टी एकीकरणपछि को अध्यक्ष बन्ने र को प्रधानमन्त्री बेन्ने ?’ धमलालले यस्तै आसयको प्रश्न ओली र प्रचण्डलार्इ सोधे । 

धमालाको प्रश्न सुनेर मञ्चमा बसेका ओली, प्रचण्डलगायत सबै नेता मुस्कुराए । धमलाको प्रश्नमा पहिले जवाफ दिन प्रचण्ड अगाडि सरेका थिए । उनले माइक पनि मिलाउन थालेका थिए । तर के कुरा मिलेन प्रचण्डले ओलीतर्फ इसारा गरेर प्रश्नको जवाफ दिन भने । 

धमलाको जवाफमा ओलीले आफ्ना पुरानै वाक्य दोहर्याउँदै आफू र प्रचण्डले अध्यक्ष हुनका लागि एमाले र माओवादीबीच एकता हुन लागेको नभइ देशलाई आर्थिक समृद्धितर्फ लैजान दुई पार्टीबीच निकट भविष्यमै एकीकरण हुन लागेको बताए । 

पुस २, २०७४ मा प्रकाशित

प्रतिक्रिया दिनुहोस