कलंकीमा यसरी बन्दैछ नेपालकै पहिलो ‘अण्डरपास’ सडक (फोटो फिचर)

पुस १२, २०७४

काठमाडौं, १२ पुस– धुलाम्य छ वातावरण । मानिसहरू यताउता गरिरहेकै छन् । पैदल यात्रीलाई सडक पार गर्न मुश्किल पर्छ । 

सडक बीचमा रहेका दुई/तीनजना ट्राफिक प्रहरी सवारीसाधन पास गराउन ब्यस्त छन् । ट्राफिकको ‘ग्रीन सिंगनल’ पाउनेवित्तिकै गाडीहरु जोडले कुदिहाल्छन्, सडक पास गर्न । 


ADVERTISEMENT

लगातार धूलो उडिरहने सडकको बीचमा हिलो पनि देखिन्छ । मास्क लगाएरै भएपनि सडक छेउमा व्यापार गर्नेहरु ग्राहक कुरिरहेका देखिन्छन् । यो दृश्य हो काठमाडौंको कलंकी चोकको । जहाँ नेपालकै पहिलो अण्डरपाससहितको सडक बनाउने काम भइरहेको छ । 

काठमाडौं छिर्ने मुख्य नाकाको रुपमा रहेको कलंकीमा अहिले धमाधक अण्डरपास बनाउने काम चलिरहेको छ । विनाअवरोध काम भए अवको एक वर्षभित्रमा कलंकी काठमाडौंको पहिचान बन्ने निश्चित छ । 

चिनियाँ कम्पनी ‘द थर्ड रेल्वे एण्ड डिजाइन इन्स्टिच्युट ग्रुप कर्पोरेसन’को डिजाइनअनुसार कलंकीमा नेपालकै पहिलो ०.८५ किमीको ‘अन्डर वे पास’ अथवा ‘सब टनेल’ बनिरहेको छ  । यो अन्डर वे बनेपछि बल्खुबाट स्वयम्भु जाने गाडी ‘अन्डर वे’ बाट जाने छन् भने थानकोटबाट काठमाडाैं भित्रिने गाडी ‘अन्डर वे’ माथिबाट गुड्ने छन् । आठ लेनको प्रमुख सडकमा साइकल ट्रयाक, फुटपाथ, सडकको दुवैपट्टी पब्लिक बस स्टप पनि रहनेछ ।

अन्डरपास निर्माणका लागि चिनियाँ कम्पनी सांघाई कन्स्ट्रक्सनले २४ सै घन्टा काम गरिरहेको छ । सांघाईले अन्डरपासको निर्माण सन् २०१८ को जुलाई अगावै सक्ने लक्ष्य लिएको छ । कुल ८ सय मिटर लामो अन्डरपासमध्ये अहिले बल्खुतिरको भागको काम द्रुत गतिमा अघि बढाएको छ । 

कलंकी चोकदेखि बल्खुतिर ४ सय मिटर र सितापाइलातिर ४ सय मिटर गरी अन्डरपास कुल ८ सय मिटरको हुने छ । 

थप तस्बिरहरु,

 

 

पुस १२, २०७४ मा प्रकाशित

गगन अर्याल

अर्याल लोकान्तरका फोटो पत्रकार हुन् ।

लेखकबाट थप...

प्रतिक्रिया दिनुहोस