काठमाडौं, १ माघ– थारु समुदाय धुमधामका साथ माघी पर्व मनाइरहेका छन् । ।थारु समुदायको नयाँ बर्षसमेत रहेको माघी पर्व राजधानीमा पनि मनाइएको छ । 

देशका विभिन्न भागबाट उपत्यकामा बस्दै आएका थारु समुदायले सामूहिक रुपमा काठमाडौंको टुँडीखेलमा माघी पर्व मनाएका हुन् । कार्यक्रममा प्रधानमन्त्री शेरबहादुर देउवाको समेत उपस्थिति रहेको थियो । 

पर्वमा थारु संस्कृति, भेषभूषा, बाजागाजा, परम्परागत थारु पहिरन, नाचगान प्रस्तु गरिएको थियो । 

दाङ, बाँके, बर्दिया, कैलाली, कञ्चनपुर, नवलपरासी, कपिलवस्तु, चितवन लगायतका जिल्लामा माघीको विशेष रौनक छ ।