काठमाडौं, ३ माघ– समाजसेवी अनुराधा कोइरालालाई प्रदेश प्रमुख बन्न नागरिकताले नरोक्ने भएको छ । बुधबार विहान पूर्व सांसद सरिता गिरीले कोइरालको नागरिकतामाथि प्रश्न उठाएकी थिइन् ।

तर कोइरालासँग भने वंशजको आधारमा नै नेपाली नागरिकता रहेको पाइएको हो । कोइरालाको नागरिकतामा उनको जन्म मिति २००७ वैशाख १ उल्लेख गरिएको छ । 

सगरमाथा अञ्चल ओखलढुंगा रुम्झाटार तीनमा अनुराधाको जन्म भएको र नागरिकता वंशज भएको प्रतिलिपि लोकान्तरले प्राप्त गरेको छ । 

नागरिकतामा अनुराधाको बुबाको नाम प्रतापसिंह गुरुङ उल्लेख गरिएको छ भने पतिको नाम दिनेश प्रसाद कोइराला उल्लेख गरिएको छ । उनको नगरिकता २०५० साल पुस ६ गते काठमाडौं जिल्ला प्रशासन कार्यालयबाट जारी गरिएको छ ।