काठमाडौं, ४ माघ- नेपाल अटोमोबाइल डिलर्श एशोसिएशनले सामाजिक उत्तरदायित्व अन्तर्गत ट्राफिक प्रहरीलाई यु एम कमाण्डो २३० सीसी मोटरसाइकल प्रदान गरेको छ ।  राजधानीमा एक कार्यक्रम आयोजना गरी नाडाका अध्यक्ष अन्जन श्रेष्ठले महानगरीय प्रहरी बृत्त ंिसहदरबारका प्रहरी उपरिक्षक रामदत्त जोशीलाई मोटरसाइकलको साँचो हस्तान्तरण गरेका हुन् ।  

नाडाले प्रत्येक बर्ष प्रदर्शनीमार्ग, भृकुटी मण्डप परिसरमा आयोजना गर्दै आएको नाडा अटो शो को शान्ति शुरक्षा तथा ट्राफिक व्यवस्थापन लगायतका विषयहरुमा त्यस सिंहदरबार प्रहरी बृत्तबाट गरिएको व्यवस्थापनप्रति आभार व्यक्त गर्दै प्रहरी संगठनविच पारस्परिक सहयोगको सम्बन्ध विस्तार हुने विश्वास सहित धन्यवाद दिएको छ ।   कार्यक्रममा नाडाका पुर्व अध्यक्ष सौर्य राणा, महासचिव कृष्णप्रसाद दुलाल, सचिव दीपककाजी तुलाधर कोषाध्यक्ष सुनिल रिजाल लगायत केन्द्रिय कार्य समिति सदस्यद्धय अनुप बराल, कपिल शिवाकोटी, नन्दकिशोर शाही र प्रकाश कपुरी समेतको उपस्थिति रहेको थियो ।

नाडाले आफनो सामाजिक उत्तरदायित्व अन्तर्गत विगतमा पनि प्रहरी संगठनको सक्षमता विस्तारका लागि मोटरसाइकल हस्तान्तरण गर्दै आएको छ । उक्त हस्तान्तरण कार्यक्रमको संञ्चालन नाडाका महासचिव कृष्णप्रसाद दुलालले गरेका थिए भने सम्बन्धी सम्पूर्ण व्यवस्थापनको जिम्मेवारी कोषाध्यक्ष सुनिल रिजाललाई दिईएको थियो ।