काठमाडौं, ६ माघ– बलिउडमा अनेक हुने गर्दछ ।  एउटै हिरोको एउटा फिल्म सुपरहिट हुन्छ भने अर्को फ्लप । एकै वर्षमा हिट र फ्लप दुवै फिल्म दिएका स्टार थुप्रै छन् बलिउडमा । सलमान खान, शाहरख खान, आमिर खान मात्रै होइन, अक्षयकुमार र अजय देवगणजस्ता स्टारले पनि एकै वर्षमा हिट र फ्लप फिल्म दिएका छन् ।  

शाहरुख खान– सन् १०१७ मा शाहरुखका दुई फिल्म रिलिज भए । रइस र जब ह्यारी मेट सेजल । राहुल ढोलकिया निर्देशित रइस  हिट भएको थियो भने इम्तियाज अली निर्देशित जब ह्यारी मेट सेजल फ्लप भयो ।

सलमान खान– सलमानले सन् २००९ मा एउटा हिट र अर्को फ्लप फिल्म दिए । सो वर्ष उनको लन्डन ड्रिम्स र वान्टेड प्रदर्शन भएका थिए । प्रभु देवा निर्देशित वान्टेड सुपरहिट भयो भने विपुल शाह निर्देशित लन्डन ड्रिम्स फ्लप भयो ।

आमिर खान– आमिर खानले सन् १९९५ मा एउटा सुपरहिट र अर्को फ्लप फिल्म दिए । सोवर्ष प्रदर्शनमा आएको उनको रंगिला फिल्म सुपरहिट भयो थियो भने अकेले हम अकेले तुम फ्लप भएको थियो । 

अक्षयकुमार– सन् २०१२ मा प्रदर्शन भएको अक्षयकुमारको जोकर सुपरफ्लप भयो । तर, सोही वर्ष आएको कमेडी फिल्म हाउसपुल २ भने हिट भयो । 

अजय देवगण– सुन् १०१४ मा प्रदर्शन भएका अजयका सिंघम रिटन्र्स र एक्सन ज्याक्सनमध्ये सिंघम रिटन्र्स सुपरहिट फिल्म हो ।  एक्सन ज्याक्सन फ्लप भएको थियो ।

ऋत्विक रोशन– ऋत्विकका सन् २००१ मा दुई फिल्म यादे र कभी खुसी कभी गम रिलिज भएका थिए । जसमा करण जौहर निर्देशित कभी खुसी कभी गम हिट भएको थियो भने सुभास घई निर्देशित यादे फ्लप भएको थियो ।