काठमाडौं, ८ माघ — सुन्दरता बढाउनका लागि आजकल युवायुवतीहरू प्लास्टिक सर्जरी गराउन थालेका छन् । तर प्लास्टिक सर्जरी गराउँदा घातक पनि हुनसक्छ । 

प्लास्टिक सर्जरी बिग्रेको एउटा खबर थाइल्यान्डको बैंकक शहरबाट आएको छ । 

त्यहाँ एक महिलाले अनुहारको सुन्दरता बढाउनका लागि सर्जरी गराइन् तर उनको नाक नै अर्को हुन पुग्यो । प्लास्टिक सर्जरीपछि उनको नाकमा मासुको सेतो डल्लो झुण्डिन आइपुग्यो । 

त्यो डल्लो हटाउन उनले फेरि अर्को अपरेसन गर्नुप–यो । राम्रो कुरा चाहिँ नाकको डल्लो अपरेसनपछि हट्यो । अहिले ती महिलाको नाम सार्वजनिक गरिएको छैन । 

सञ्चारमाध्यममा आएका खबरअनुसार, महिलाले पहिले राइनोप्लास्टी सर्जरी गराएकी थिइन् । तर उनले सोचेको जस्तो भएन । सर्जरीपछि उनको नाकमा डल्लो उम्रियो । 

डल्लोले हैरान गरेपछि ती महिला उपचारका लागि न्यात्चाया क्लिनिक गइन् । त्यहाँ चिकित्सकहरूले प्रो बोनो सर्जरी गरेर डल्लो हटाए । 

एजेन्सी