काठमाडौं ९ माघ– निर्माण व्यवसायी महासंघका अध्यक्ष शरदकुमार गौचनको हत्यामा संलग्न थप एक जनालाई प्रहरीले पक्राउ गरेको छ । काठमाडौंको शान्तिनगरमा गत असोज २३ गते गौचनको गोली हानी हया भएको थियो ।

गौचनको हत्यामा संलग्न भनिएका श्याम गुम्बे लामालाई प्रहरीले चितवनको गीतानगरबाट पक्राउ गरेको हो । उनी हत्यामा संलग्न मुख्य सुटर भएको प्रहरीले बताएको छ । 

बाराको गढीमाईका स्थायी बासिन्दा चितवनमा लुक्दै बसेका थिए । गुम्बे चितवनको गीतानगरमा लुकेर बसेको भन्ने थाहा पाएपछि प्रहरी उनलाई पक्राउ गर्न पुगेको थियो । 

प्रहरी पुगेको थाहा पाएपछि गुम्बे भाग्न खोजेका थिए । उनलाई काठमाडौं ल्याउने तयारी भएको प्रहरी स्रोतले बतायो । 

हत्यामा संलग्न केही व्यक्ति भने पहिलै पक्राउ परिसकेका छन् । 
 

याे पनि पढ्नुहाेस्,

गाैचन हत्याको रहस्य : गाडीमा थिए करोडौंका चेक !