थाइल्यान्डका बौद्ध भिक्षुले गरे लाजमर्दो काम, भिडियो भयो भाइरल

माघ २९, २०७४

काठमाडौं, २९ माघ — थाइल्यान्डको सुफाबुरीमा एक बौद्ध साधुले गरेको लाजमर्दो काम सामाजिक सञ्जालमा भाइरल भइरहेको छ । साधुले घरबाहिर महिलाहरूले सुकाएर भित्रीवस्त्र चोरेको भिडियो भाइरल भएको हो । 

भिक्षुको काम सीसीटीभीमा कैद भएको थियो । प्रहरीले भिक्षुको खोजी गरिरहेको छ । 

साधु आफ्नो मठमा फेला परेनन् । सञ्चारमाध्यमले जनाएअनुसार, ४९ वर्षीय भिक्षु थीराफाफ वोराडिलोकमाथि महिलाहरूको भित्रीवस्त्र चोरेको आरोप छ । 

किट्टीसेक खाजोन्नेर्तिखुनले आफ्नी पत्नी र छोरीको भित्री वस्त्र चोरी भएको रिपोर्ट प्रहरीमा दर्ता गराएको थियो । आरोपितको मठमा गएर प्रहरीले सोधपुछ गर्दा मठका मानिसले ती साधुले केही दिनदेखि औषधि नखाएको त्यसैले उनको
मानसिक स्वास्थ्य शायद राम्रो नरहेको अनि उनले यो गतिविधि गरेको बताए । 

एजेन्सी
 


ADVERTISEMENT

माघ २९, २०७४ मा प्रकाशित

प्रतिक्रिया दिनुहोस