काठमाडौं, ६ फागुन — इरानको राजधानी तेहरानबाट दक्षिणपश्चिमी शहर यासुजका लागि उडेको एक विमान सेमिरोम शहरमा आइतवार दुर्घटनाग्रस्त भएको इरानी अधिकारीहरूले बताएका छन् । 

विमानमा ६६ यात्रु थिए । 

इरान आसेमान एयरलाइन्सको उक्त विमान आइतवार बिहान तेहरानबाट उडेको केही समयमै राडारबाट हराएको थियो । 

यासुज पुग्नुभन्दा १८५ किलोमिटर वरै इस्फाहान प्रान्तको सेमिरोममा विमान दुर्घटनाग्रस्त भएको इरानको इमर्जेन्सी मेडिकल सर्भिसेजका प्रमुख पीर–होसेन कूलिभान्दले बताए । 

खराब मौसमका कारण विमान देना पर्वतमा ठोकिएको र उक्त ठाउँ दुर्गम रहेको अधिकारीहरूको भनाइ छ । 

एजेन्सी