*क्षमायाचना
नेपाल प्रहरीको ‘मोस्ट वान्टेड’ सूचीमा रहेका गुण्डा नाइके मनोज पुन पक्राउ परेको समाचार असावधानीबस र प्रहरीको केन्द्रीय अनुसन्धान ब्यूरो (सिआईबी) तथा नेपाल प्रहरी स्रोतले दिएको गलत सूचनाका आधारमा सम्प्रेषण भएकोप्रति हामी क्षमाप्राथी छौं । प्रहरीको आधाकारिक निकायले पुन अहिले पक्राउ नपरेको र खोजी कार्य जारी रहेको जानकारी दिएको छ । सिआईबी प्रमुख प्रहरी नायव महानीरिक्षक (डिआईजी) पुष्कर कार्कीले पुन हालसम्म पक्राउ नपरेको लोकान्तरलाई बताए ।

असावधानीबस प्रहरीका जिम्मेवार अधिकारीबाट प्राप्त गलत सूचनाका आधारमा सम्प्रेषण भएको समाचारले आम पाठकमा पर्न गएको असुविधाप्रति हामी क्षमाप्राथी छौं ।  

–सम्पादक

काठमाडौं, ७ फागुन– प्रहरीको मोस्ट वान्टेड सूचीमा रहेका मनोज पुनलाई प्रहरीले पक्राउ गरेको छ । 

हत्या, चन्दाअसुली लगायतका अभियोग लागेका पुनलाई प्रहरीको केन्द्रीय अनुसन्धान व्यूरोको टालीले भारतको गोवाबाट सिआइबीले नियन्त्रणमा लिएको हो । 

पुनलाई फागुन ६ गते गोवाबाट प्रहरीले नियन्त्रणमा लिएको प्रहरी स्रोतले जानकारी दियो । रुपन्देहीका  डीएसपी पवन कुमार भट्टरार्इले भने आफूलाई पुन समातिएको बारे जानकारी नभएको बताएका छन् । 

पुनले रुपन्दैहीमा दुई व्यवसायीको हत्या गरेका थिए । त्यस्तै उनले काठमाडौंका समिरमानसिंह बस्नेत समूहसँग मिलेर नेपाल निर्माण व्यवसायी महासंघका अध्यक्ष शरद गौचनको हत्याको समेत जिम्मा लिएका थिए । 

को हुन् मनोज ?

युवा संघ रुपन्देहीका अध्यक्ष दुर्गा तिवारी र एमाले कार्यकर्ता बसन्त पौडेलको हत्यामा संलग्न भनिएका मनोज पुन विगतमा राजनीतिक कार्यकर्ता थिए । 

सुरुमा माओवादी कार्यकर्ता रहेका उनी केही समय युवा संघमा प्रवेश गरेका थिए । युवा संघमा प्रवेश गरेर पनि उनी नसुध्रिएको भन्दै युवा संघले करिब ५ महिनामै कारवाही गरेर उनलाई निकालेको थियो । सोही बेलाको रिसिवि फेर्न यसरी हत्या गरेको हुनसक्ने केहीको अनुमान छ । 

देवदह न।पा। ६ का बर्ष २९ को मनोज पुन भन्ने मनोज बुढा मगरको समुहले पछिल्ला वर्षहरुमा चन्दा आंतक मच्चाउदै आएको गुनासो बढ्दै गएको थियो । मनोज यी हत्या भन्दा अगाडि संगठित अपराध, हातहतियार खर खजना र ज्यान मार्ने उद्योग मुद्दामा संलग्न रही फरार रहेको प्रहरीले जनाउदै आएको छ ।

गत वर्ष २०७३ पुस ४ गते भएको एमालेको युवा संगठन युवा संघ रुपन्देहीका अध्यक्ष दुर्गा तिवारीको हत्यामा मनोज पुनको संलग्नता रहेको निष्कर्षमा प्रहरी पुगेको थियो । त्यसअघि ०७२ चैत ६ गते पनि दुर्गालाई २ वटा गोलि प्रहार गरिएकोमा उनी बचेका थिए ।  त्यतिबेला पनि मनोजकै संलग्नतामा घट्ना घटेको थियो र त्यसको करिब एक वर्ष पछि उसैको संलग्नतामा हत्या भयो । 

रूपन्देहीको देवदह नगरपालिका वडा नं।–८ स्थित खैरेनी चोकदेखि १ सय मिटर दक्षिणतर्फ  बाटोमा अपरान्ह गोली प्रहारबाट घाइते भएका तिवारीको पनि उपचारको क्रममा मृत्यु भएको थियो । पुनको समूहले काठमाडौंका समिरमानसिंह बस्नेत समूहसँग मिलेर नेपाल निर्माण व्यवसायी महासंघका अध्यक्ष शरद गौचनको हत्याको समेत जिम्मा लिएका थिए ।