काठमाडौं, ७ फागुन–  विश्वचर्चित सामाजिक सञ्जाल फेसबुकमाथि बेल्जियमको एक अदालतले १५६ मिलियन अमेरिकी डलर (१६ अर्ब बढी नेपाली रुपैयाँ) बराबर जरिवाना तोकेको छ । 
 
प्राइभेसी (गोपनियाता)सँग सम्बन्धित कानूनको उल्लङ्घन गरेको भन्दै फेसबुकमाथि १६ अर्ब रुपैयाँ बढीको जरिवाना तोकिएको हो । फेसबुकले ‘थर्ड पार्टी’ तेस्रो पक्षीय अनलाइनहरुलाई ट्र्याक गरेर गोपनियतासँग सम्बन्धित कानून उल्लङ्घन गरेको अदालतको ठहर छ । 

बेल्जियमको अदालतले फेसबुकबाट यूजर्स (प्रयोगकर्ता)हरुको डाटा (विवरण) संकलन गर्न नपाउने आदेश समेत जारी गरेको छ । साथै अदालतले फेसबुकलाई हरेक दिन २ लाख ५० हजार यूरो जरिवाना तिर्न पनि भनेको छ । 

‘फेसबुकले यूजर डाटा (प्रयोगकर्ताको विवरण) संकलन गर्ने विषयमा अधुरो जानकारी दिन्छ । फेसबुकले यो पनि बताउँदैन कि उसले कसरी प्रयोगकर्ताको विवरण संकलन गर्छ, त्यो विवरणलाई के गरिन्छ र त्यो विवरणलाई कति दिनसम्म राखिन्छ,’ अदालतले भनेको छ । 

अदालतका अनुसार फेसबुक आफ्ना प्रयोगकर्ताको जानकारी संकलन (स्टोर) गर्न प्रयोगकर्ताको इच्छाको कुनै परवाह गर्दैन । 

फेसबुकले विज्ञापन र प्रयोगकर्ताको अनुभव बढाउन अन्य वेबसाइटबाट यूजर डाटा ट्र्याक गर्छ । जसमा फेसबुकको ‘प्लग इन्स’ दिइएको हुन्छ । 

अदालतले फेसबुकलाई आदेश दिएको छ कि बेल्जियमका नागरिकको जति पनि डाटा (विवरण) अवैध तरिकाले संकलन गरिएको छ, त्यसलाई तत्काल डिलिट गरियोस् ।