इस्लामावाद, ७ फागुन - पाकिस्तानका विदेशमन्त्री खवाज मोहम्मद असिफ रुसको औपचारिक भ्रमणका लागि सोमबार मस्को जानुहुने भएको छ । 

उहाँले यही फेब्रुअरी १९ देखि २२ सम्म रुसको औपचारिक भ्रमण गर्नुहुने पाकिस्तानी विदेशमन्त्रालयले जनाएको छ । 

त्यस भ्रमणका क्रममा विदेशमन्त्री खवाजले रुसका विदेशमन्त्री सेर्गेइ लाभरोभसँग औपचारिक द्विपक्षीय भेटवार्ता गर्नुहुने पनि विदेशमन्त्रालयद्वार प्राकाशित विज्ञप्तिमा जनाइएको छ । 

त्यस वार्ताका क्रममा दुई देशबीचको आपसी सम्बन्धका साथै क्षेत्रीय र अन्तर्राष्ट्रिय महत्वका विभिन्न विषयमा कुराकानी हुने समाचारमा जनाइएको छ ।