रसिया, ७ फागुन– रसियाको एक चर्चमा भएको बन्दुक आक्रमण परी कम्तिमा पाँच जनाको मृत्यु भएको रसियाली समाचार संस्था तासले सोमबार जनाएको छ । 

रसियाको दागेस्तान क्षेत्रमा रहेको एक चर्चमा आइताबार आक्रमण भएको थियो । सो आक्रमण चार जनाको घटनास्थलमा नै मृत्यु भएको थियो भने एक जनाको उपचारका क्रममा सोमबार दिउसो मृत्यु भएको हो । 

चर्चमा भेला भएका क्रिश्चियन धर्माबलम्वी चर्चबाट बाहिरिने समयमा एक जना अपरिचित व्यक्तिले उनीहरूमाथि अन्धाधुन्ध गोली चलाएको थियो । किजल्यार भन्ने ठाउँको चर्चमा भएको उक्त घटनामा थप केही व्यक्ति पनि घाइते भएका प्रत्यक्षदर्शीले बताएका स्थानीय सञ्चारमाध्यमले जनाएका छन् । 

“घटनास्थलमा चार जनाको मृत्यु भएको र आक्रमणकारी पनि सुरक्षाकर्मीको प्रतिकारका क्रममा मारिएका” किजलरका मेयर अलेक्जेण्डर शुभालोभलाई उद्धृत गर्दै तास न्यूज एजेन्सीले जनाएको छ । 

आत्रमण कुन उद्देश्यले गरिएको थियो यसबारे अनुसन्धान जारी रहेको प्रहरीले जनाएको छ ।