काठमाडौं, ८ फागुन– विगान एथ्लेटिक ‘एफए कप फुटबल’को क्वाटरफाइनलमा पुगेको छ । गएराति भएको पाँचौं चरणको खेलमा म्यान्चेस्टर सिटीलाई हराउँदै विगान क्वाटरफाइनलमा पुगेको हो । 

प्रिमियर लिगको शीर्ष स्थानमा रहेको म्यान्चेस्टर सिटीलाई विगानले १–० ले हरायो ।  खेलमा विगान एथ्लेटिकलाई विजयी गराउन विल ग्रीगले ७९ औं मिनेटमा गरेको गोल नै निर्णायक बन्यो । 

हारसँगै म्यान्चेस्टर सिटीको जारी सिजनमा चार उपाधि जित्ने सपना टुटेको छ । सिजनको पहिलो उपाधिका लागि सिटीले यही आइतबार वेम्बले रंगशालामा आर्सनलसँग लिग कप फुटबलको फाइनल खेल्दैछ ।