काठमाडौं, ८ फागुन– अधिवक्ता दिपेन्द्र झालाई प्रदेश नम्बर २ को मुख्य न्यायाधीवक्तामा नियुक्त गर्ने निर्णयविरुद्ध सर्वोच्च अदालतमा रिट दायर गरिएको छ । 

अधिवक्ता मधुर पाठक र डिल्ली न्यौपानेले सर्वोच्चमा रिट दायर गर्दै झाको नियुक्ति ‘बदर गर्न’ माग गरेका छन् । 

अधिवक्ता पाठक र न्यौपानेले प्रदेश २ को मुख्यमन्त्रीको कार्यालय, प्रदेश २ का प्रमुखको कार्यालय र मुख्य न्यायाधीवक्तामा नियुक्त दिपेन्द्र झालाई विपक्षी बनाएर बुधवार सर्वोच्च अदालतमा रिट दायर गरेका हुन् । 

संविधानमा व्यवस्था भएअनुसार मुख्य न्यायाधीवक्ताका लागि अधिवक्ता झाको योग्यता नपुग्ने भन्दै उक्त नियुक्ति गैरसंवैधानिक रहेको रिटमा दावी गरिएको छ ।