चितवन, ८ फागुन– नेकपा माओवादी केन्द्रका अध्यक्ष प्रचण्डले एमाले र माओवादी केन्द्रबीच पार्टी एकताका सम्बन्धमा भएको ७ बुँदे सहमति पछि आफू शक्तिशाली पार्टीको नेता भएको बताएका छन् । 

बुधवार चितवनको भरतपुर महानगरपालिका–२२ अमर माध्यमिक विद्यालयका वार्षिकोत्सवमा बोल्दै अध्यक्ष प्रचण्डले एमाले र माओवादीबीचको एकताले छिट्टै पूर्णता पाउने बताए । 

साथै आज (बुधवार) नै मन्त्रिपरिषद बिस्तार हुने र केही दिनमै सरकारले पनि पूर्णता पाउने उनको भनाइ थियो । 

अबको सरकारले विकास र आर्थिक समृद्धितर्फ ध्यान दिने भन्दै प्रचण्डले चितवनको विकासका लागि आफूले विशेष पहल गर्ने बताए । 
प्रचण्डले एमालेसँगको ७ बुँदै सहमति ऐतिहासिक भएको भन्दै त्यसले आफूलाई खुसी र गौरवान्वित बनाएको बताए ।