काठमाडौं, ८ फागुन– राष्ट्रपति विद्यादेवी भण्डारीले सरकारको महान्याधिवक्तामा पूर्वमन्त्री समेत रहेका एमाले नेता अग्नी खरेललाई नियुक्त गरेकी छन् । 

प्रधानमन्त्री केपी शर्मा ओलीको सिफारिसमा राष्ट्रपति भण्डारीले मंगलवार साँझ खरेललाई महान्यायाधिवक्तामा नियुक्त गरेकी हुन् । 

संविधानको धारा (१५७) को उपधारा (२) बमोजिम राष्ट्रपतिले महान्यायाधिवक्ता पदमा नियुक्त गरेको राष्ट्रपति कार्यालयका प्रवक्ता कुलप्रसाद चुडालले जानकारी दिएका छन् ।

राष्ट्रपति भण्डारीले शेरबहादुर देउवा नेतृत्वको अघिल्लो सरकारका महान्यायाधिवक्ता बसन्तराम भण्डारीको राजीनामा स्वीकृत गरेकी छन् ।

महान्यायाधिवक्तामा नियुक्त खरेल वरिष्ठ अधिवक्ता समेत हुन् । महान्यायाधिवक्ता सरकारको कानूनी सल्लाहकार हो ।