काठमाडौं, १० फागुन — युरोपेली देश मोन्टेनिग्रोको राजधानी पोडगोरिकास्थित अमेरिकी दूतावास परिसरमा आत्मघाती आक्रमण गरिएको छ । 

शंकास्पद आक्रमणकारीले ग्रिनेड फ्याँकेपछि आफैंलाई विस्फोट गरे । मोन्टेनिग्रो सरकारले बिहीवार यसको जानकारी दिएको छ । 

सरकारी ट्विटर ह्यान्डलमा यसको जानकारी दिइएको छ । त्यसमा लेखिएको छ, ‘मोन्टेनिग्रोको पोड्गोरिकास्थित अमेरिकी दूतावास भवनअघि एक अज्ञात व्यक्तिले विस्फोट गरेर आफैंलाई उडाए । त्यसको ठीक अघि उक्त व्यक्तिले एक विस्फोटक उपकरण फ्याँकेका थिए ।’
 

At 00:30, in front of the @USEmbassyMNE building in #Podgorica, #Montenegro an unknown person committed suicide with an explosive device. Immediately before, that person threw an explosive device from the intersection near the Sport Center into the US Embassy compound. (1 of 2)

---

Advertisment

— Govt. of Montenegro (@MeGovernment) February 22, 2018

आक्रमणमा अन्य कुनै व्यक्ति हताहत भएको खबर छैन । अमेरिकाको विदेश मन्त्रालयका प्रवक्ताले दूतावास परिसरमा आक्रमणको पुष्टि गरेका छन् । दूतावासका कर्मचारीहरूले आक्रमणकारीको पहिचान गर्नका लागि प्रहरीलाई सहयोग गरिरहेको उनले बताए । 

नजिकैको खेलकुद केन्द्रका एक सुरक्षा गार्डले नाम नबताउने शर्तमा बताएअनुसार, एकपछि अर्को दुई विस्फोटका आवाज आएका थिए । प्रहरी तत्कालै आएर आक्रमणकारीको लाश उठाएर लग्यो । 

एजेन्सी