सलमानको नेपालम हुने कार्यक्रम रोकिएको छैन–आयोजक

फागुन १८, २०७४

भारतीय अभिनेता सलमान खानलको उपस्थितिमा नेपालमा हुने कार्यक्रम स्थगित भएको समाचारहरु सार्वजनिक भएका छन् । दबंग द टुर नाम दिइको कार्यक्रम स्थगन भएको जनाइएकाे हाे ।

सलमान खानको नेपाल भ्रमणलाई अवरोध गर्ने नेत्रविक्रम चन्द नेतृत्वको कम्युनिष्ट पार्टीको धम्की पछि उनी नेपाल नआउने भएका समाचारहरुमा उल्लेख गरिएको छ ।


ADVERTISEMENT

सलमानले आफू कार्यक्रममा सहभागी नहुने सन्देश पठाएपछि आयोज संस्था ओडिसी इन्टरनेशनलले कार्यक्रम स्थगित गरेको दाबी गरिएकाे छ ।

तर आयोजक संस्था ओडिसीले भने यसबारे आधिकारिक धारणा सार्वजनिक गरेको छैन । 

‘सलमान नेपाल आउने कार्यक्रम रोकिएको छैन’ लोकान्तरको टेलिफाेन सम्पर्कमा  ओडिसीले भन्यो । 

उता कार्यक्रमा अनलाइन बुकिङ गरिरहेको मेरो सोले पनि टिकट वितरण नरोकिएको जनाएको छ । 

यही १० मार्चमा काठमाडौँको टुडिखेलमा हुने भनिएको ‘दबंग द टुर’ कार्यक्रममा अभिनेता सलमानसँगै सोनाक्षी सिन्हा, प्रभु देवा, मनिष पल, डेजी शाह, मिट ब्रदर लगायतका कलाकार नेपाल आउने कार्यक्रम थियो।

फागुन १८, २०७४ मा प्रकाशित

प्रतिक्रिया दिनुहोस