फागुन २२, २०७४

काठमाडौं, २२ फागुन — बलिउड अभिनेता रणवीर सिंहलाई अहिले सबै निर्देशकले आफ्नो फिल्ममा खेलाउन चाहिरहेका छन् । करण जोहरले रणवीरलाई धर्मा प्रोडक्सनको एक फिल्मका लागि साइन गरेका छन् । 

करणले आचार्य रजनीश ओशोको जीवनीमा आधारित एक फिल्म बनाउने भएका छन् र ओशोको भूमिका निर्वाह गर्नका लागि उनले रणवीर सिंहलाई कास्ट गरेका छन् । जीवनीको निर्देशन शकुन बत्राले गर्नेछन् । 

फिल्म ठूलो बजेटमा बन्नेछ । जीवनीलाई हिन्दीसहित अन्य भाषाहरूमा बनाएर अन्तर्राष्ट्रिय स्तरमा सार्वजनिक गरिनेछ । करण जोहरले यसअघि पनि रणवीर र रोहित शेट्टीका साथ फिल्म राम लखनको रिमेकको घोषणा गरेका थिए तर पछि यो प्रोजेक्ट अघि बढेन । 

ओशोले जीवनभरि बहादुरीपूर्वक रूढिवादी धर्महरूको आलोचना गरेका कारण विवादमा रहिरहे । उनी एक रहस्यदर्शी आध्यात्मिक शिक्षक थिए । 

मानव कामुकताका विषयमा खुला विचार राख्नुपर्ने उनको मान्यता थियो ।

एजेन्सी
 


फागुन २२, २०७४ मा प्रकाशित

प्रतिक्रिया दिनुहोस

ताजा समाचार