काठमाडौं, २४ फागुन — बलिउड अभिनेता अजय देवगण आजकल नयाँ फिल्म रेडको प्रमोसनमा व्यस्त छन् । 

यसै क्रममा अजयले सामाजिक सञ्जालमा फिल्मका विषयमा उठ्ने विवादका बारेमा टिप्पणी गरे, ‘सामाजिक सञ्जाल परम्परागत मिडिया होइन । अहिले त सबै मानिस आफैं मिडिया भएका छन् । सामाजिक सञ्जालमा दर्शकभन्दा बढी
समीक्षक छन् अनि हरेक मानिसले फिल्म हेर्नेबित्तिकै समीक्षा पोस्ट गरिदिन्छ । मलाई यो ठीक लाग्दैन ।’

फिल्म रेडमा अजयले आयकर अधिकारीको भूमिका निर्वाह गरेका छन् । लखनउमा भएको साँचो घटनामा यो फिल्म आधारित छ । सन् १९८१ मा भारतको सबभन्दा ठूलो आयकर रेड यसको कथा हो । 

फिल्ममा अजयका साथ इलियाना डीक्रुज देखिनेछिन् । सौरभ शुक्ला नकारात्मक भूमिकामा छन् । 

फिल्म चैत २ गते रिलिज हुँदैछ । राजकुमार गुप्ताले फिल्म निर्देशन गरेका हुन् ।

एजेन्सी