प्रधानन्यायाधीलाई न्यायाधीशले दिए यस्तो सुझाव

फागुन २९, २०७४

काठमाडौँ, २९ फागुन– सर्वोच्चका अधिकांश न्यायाधीशहरूले प्रधानन्यायाधीश गोपाल पराजुलीलाई मुद्दा हर्ने कामबाट अलग हुन सुझाव दिएका छन् । सोमबार बसेको सर्वोच्चका न्यायाधीशहरूको आकस्मिक बैठक (फुलकोर्ट) मा अधिकांश न्यायाधीशले प्रधानन्यायाधीश पराजुलीलाई न्याय सम्पादनको कामबाट अलग रहन सुझाव दिनुभएको हो ।

पराजुलीले सुझावबारे फुलकोर्टमा कुनै पनि जवाफ भने दिनुभएन । उहाँले आफू वैधानिक ढङ्गबाट प्रधानन्यायाधीश चयन भएको भन्दै आफ्नो बचाउ भने गर्नुभयो । प्रधानन्यायाधीश पराजुलीले नेतृत्व गरिरहनु भएको अदालतको अपहेलनासम्बन्धी एक मुद्दामा सुनुवाइ प्रक्रिया जारी रहेकै बेला न्यायाधीश चोलेन्द्रशमशेर जबराले ‘प्रधानन्यायाधीशले अवकाश पाइसकेको र सँगै बसेर मुद्दा नहेर्ने’ राय सार्वजनिक गर्नुभएको थियो । 


न्यायाधीश जबराको रायपछि सर्वोच्च अदालतको टिप्पणीमा डा. गोविन्द केसी तथा अधिवक्ता तोयानाथ ढुङ्गानाले कान्तिपुर पब्लिकेशन विपक्षी बनाई दायर मुद्दाको सुनुवाइ स्थगित भएको थियो । इजलास स्थगितपछि सोमबार साँझ फुलकोर्ट बसेको थियो ।, गोरखापत्रमा खबर छ । 
 

फागुन २९, २०७४ मा प्रकाशित

प्रतिक्रिया दिनुहोस

ताजा समाचार