काठमाडौं, २९ फागुन– कैलालीको घोडाघोडी नगरपालिकाका मेयर ममताप्रसाद चौधरीमाथि भएको आक्रामणपछि आफ्ना कार्यकर्ताको पक्राउ गरिएको भन्दै  विप्लव नेतृत्वको नेकपा कैलालीले मंगलबार एक विज्ञप्ति निकालेको छ । 
विज्ञप्तिमा मध्यरातमा अपहरण शैलीमा गिरफ्तार गरेको र अन्य नेता तथा कार्यकर्ताको घरमा समेत सादा पोशाकको प्रहरी पठाएर घर छाड्न बाध्य बनाएको भन्दै आपत्ति जनाइएको छ । 
बोक्सी काण्डलाई ओझेलमा पार्न आफ्ना नेता तथा कार्यकर्तालाई गिरफ्तार गरेको भन्दै बिना शर्त रिहाई गर्नसमेत माग गरेको छ ।
पक्राउ परेकाहरुलाई तत्काल रिहाई नगरे कडा संघर्ष गर्ने पनि चेतावानी दिएको छ ।  
प्रहरीले घटनालगत्तै नेकपाका कैलाली जिल्ला नेताहरु कमल क्षेत्री, भरत शाह र हृदय बोगटीलाई पक्राउ गरेको थियो । 
सोमबार राती  चौधरीमाथि घरनजिकै खुकुरी र गोली प्रहार भएको थियो भने गम्भीर अवस्थामा उनको टिचिङ हस्पिटलमा उपचार भइरहेको छ ।