माघ २०, २०८०
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
चैत २, २०७४
काठमाडौं, २ चैत– नेपाल क्रेडिट एण्ड कमर्स (एनसीसी) बैंकसँग मर्जरमा जाने सहमति पत्रमा हस्ताक्षर गरे पश्चात मर्जरको फाइदा उठाउँदै तत्कालीन एपेक्स डेभेलपमेन्ट बैंकमा १ सय ५० करोड बढीको घोटाला भएको खुलेको छ ।
तत्कालीन एपेक्स बैंकको काठमाडौंको दरवारमार्ग, भक्तपुरको लोकन्थली, सुनसरी इटहरी, सुर्खेत र बांकेको नेपालगन्ज शाखाबाट अनियमित रुपमा कर्जा प्रवाह गरी १ अर्ब ५० करोड ९३ लाख ३३ हजार ८ सय ८४ रुपैयाँ बराबरको घोटाला भएको खुलेको हो ।
विभिन्न ठाउँमा नक्कली जग्गाको पूर्जा बनाइ कर्जा प्रवाह गरेर घोटाला गरिएको प्रहरीको केन्द्रीय अनुसन्धान ब्यूरो सिआईबीले जनाएको छ ।
उक्त घोटालामा संलग्न रहेको भन्दै सिआईबीले १३ जनालाई पक्राउ गरेको छ ।
पक्राउ पर्नेमा एपेक्स बैंकका तत्कालीन अध्यक्ष विष्णुप्रसाद धिताल, तत्कालीन कार्यकारी अधिकृत ऋषिराज भट्ट, बैंकका सञ्चालकहरु लगायत कर्मचारी छन् ।
हेर्नुहोस् पक्राउ परेकाहरुको सूची,
नाम थर | पद | |
---|---|---|
विष्णु प्रसाद धिताल | तत्कालिन एपेक्स डेभलपमेन्ट बैकको अध्यक्ष | |
ईच्छा बहादुर गुरुङ | तत्कालिन एपेक्स डेभलपमेन्ट बैकको संचालक | |
सुवर्ण राज भण्डारी, | तत्कालिन एपेक्स डेभलपमेन्ट बैकको संचालक | |
मधुवन लाल श्रेष्ठ | तत्कालिन एपेक्स डेभलपमेन्ट बैकको संचालक | |
ऋषी राज भट्ट | तत्कालिन एपेक्स डेभलपमेन्ट बैकको निमित्त कार्यकारी अधिकृत | |
दुर्गा दत्त जोशी, | तत्कालिन एपेक्सको डेभलपमेन्ट बैकको वरिष्ठ प्रबन्धक | |
रामचन्द्र बसौला | तत्कालिन एपेक्सको डेभलपमेन्ट बैकको सहायक महाप्रबन्धक | |
बिकास श्रेष्ठ | तत्कालिन एपेक्सको डेभलपमेन्ट बैकको शाखा प्रबन्धक | |
सागर नेउपाने | तत्कालिन एपेक्सको डेभलपमेन्ट बैकको लोकन्थली शाखा प्रमुख | |
मान ब. राउत | तत्कालिन एपेक्सको डेभलपमेन्ट बैकको शाखा प्रबन्धक | |
विनित मणि उपाध्याय | तत्कालिन एपेक्सको डेभलपमेन्ट बैकको सहायकमहाप्रबन्धक | |
मोहन खरेल | तत्कालिन एपेक्सको डेभलपमेन्ट बैकको कर्जा अधिकृत | |
सुदिप थापा | तत्कालिन एपेक्सको डेभलपमेन्ट बैकको शाखा प्रबन्धक |
पक्राउ परिएकामाथि बैंकिङ कसुर तथा सजाय ऐन, २०६४ बमोजिम अनुसन्धान थालिएको सिआईबीले जनाएको छ ।
विवादको नालीबेली
एनसीसी बैंक भित्रको विवादको सुरुवात एक दशकदेखि भएको देखिन्छ । नेपाल राष्ट्र बैंकका अनुसार २०६६ सालदेखि नै एनसीसी बैंकले केन्द्रीय बैंकले दिएका विभिन्न निर्देशनहरु पालना नगरी अटेरी गर्ने गरेको थियो ।
एनसीसी बैंकका तत्कालीन सञ्चालक समितिका अध्यक्ष निर्मल प्रधान र एनबी गु्रपसँगको विवादको जालोमा हालका लगानीकर्ता परेका छन् । २०६६ सालमा एनबी बैंक र एनसीसि बैंकमा भएको इन्साइडर लेण्डिङ घटाउन केन्द्रीय बैंकले एनबी समूहलाई दवाव दिएको थियो । क्यास (पूँजि) अभाव झेलिरहेका एनबी समुहका सञ्चालक लक्ष्मीबहादुर श्रेष्ठ वित्तीय व्यवस्थापन गर्न नसकेपछि निर्मल प्रधानसँग विभिन्न सर्तसहित पटक पटक ऋण लिन पुगे ।
एनसीसीकै शेयर होल्डर भएकाले धितोको उचित मुल्याङ्कन नगरी पटक पटक ऋण दिइयो । सोहीे ऋण पछि आएर समस्या बन्न पुग्यो ।
एनसीसी बैंकमा रहेको एनबी समूहको शेयर धितोमा राखेर लिएको ऋण चुक्ता गर्न नसकेपछि गत महिना बाँकी शेयर बेचेर एनबी गु्रप बाहिरिने घोषणा भएको छ ।
के थियो समस्या ?
नेपाल क्रेडिट एण्ड कमर्स (एनसीसी) बैंक व्यवस्थापन समितिभित्रको लामो समयदेखिको विवाद साम्य नभएपछि ३ वर्ष केन्द्रीय बैंकले हस्तक्षेप गर्यो ।
त्यतिबेला बैंकका मुख्य प्रवद्र्धकहरुबीच एकले अर्कालाई निषेध गर्ने, विश्वास नगर्ने र बोलचाल समेत नहुने अवस्था आए पछि लामो समयसम्म सञ्चालक समितिको बैठक बस्न सकेन । ठूला कर्जा लगानी, समस्यामा परेका कर्जा असुलीदेखि सञ्चालक समितिको निर्णयमा गर्नुपर्ने सबै काम ठप्प भयो ।
दुबै पक्ष एकले अर्कालाई दोषि भन्दै राष्ट्र बैंकको शरणमा पुगेपछि राष्ट्र बैंकले एनसीसी बैंकमा हस्तक्षेप गर्यो ।
विवाद बढ्दै गएपछि नेपाल राष्ट्र बैंकले तत्कालीन सञ्चालक समिति भंग गरी वि.स. २०७० साल फागुन २१ देखि २०७३ साल पुस १८ गतेम्म सञ्चालक समिति आफ्नो नियन्त्रणमा लियो ।
राष्ट्र बैंकले तत्कालीन बैंक तथा वित्तीय संस्था सुपरीवेक्षण विभागका कार्यकारी निर्देशक लक्ष्मीप्रपन्न निरौलाको संयोजकत्वमा तीन सदस्सीय टोलीलाई एनसीसी बैंक सुधार गर्न जिम्मेवारी दियो । टोलीमा उपनिर्देशक रमेश आचार्य र कानून विभागका सहायक निर्देशक रमेश रेग्मी सदस्य थिए । बैंकको सञ्चालक समिति राष्ट्र बैंकले तोकेका तीन जना राष्ट्र बैंककै कर्मचारी एनसीसी बैंकको सञ्चालक बने ।
राष्ट्र बैंकको प्रत्यक्ष नियन्त्रणमा रहेको बेला राष्ट्र बैंकको नीतिअनुुरुप बैंकको चुक्ता पुँजी ८ अर्ब रुपैयाँ पुर्याउने उद्देश्यले विभिन्न चारवटा विकास बैंकहरु, इन्फ्रास्ट्रक्चर डेभलपमेन्ट बैंक, इन्टरनेशनल डेभलपमेन्ट बैंक, सुप्रिम डेभलपमेन्ट बैंक र एपेक्स डेभलपमेन्ट बैंकलाई एनसीसीमा गाभियो । एनसीसी बैंकको तर्फबाट मर्जरको काम राष्ट्र बैंकका पदाधिकारीहरुको व्यवस्थापन समितिको स्वविवेकमा स्वतन्त्ररुपमा भएको र त्यसमा एनसीसी बैंकमा शेयरधनीहरुको कुनै संलग्नता रहेको थिएन ।
तर एउटा समस्याबाट गुज्रिरहेको बेंक फेरि अर्को समस्यामा फस्यो । तत्कालीन एपेक्स डेभलपमेन्ट बैंकको खराब वित्तीय अवस्थाको नकारात्मक प्रभाव उक्त बैंकलाई प्राप्त गरेको एनसीसी बैंकमा पर्न आयो ।
राष्ट्र बैंकवालाको ‘गलत निर्णय’
एनसीसी बैंकसँग मर्जरमा जाने सम्झौता गर्नु अगाडि नै राष्ट्र बैंकले एपेक्स बैंकलाई अत्यधिक खराब कर्जा भएको बैंकको सूचीमा राखेको थियो । कानूनअनुसार अत्यधिक खराब कर्जा भएका बैंकले मर्जरमा जान पाउँदैनन् ।
तर राष्ट्र बैंकले सञ्चालनको जिम्मा लिएको बेला एपेक्स बैंक एनसीसीमा गाभिनु अर्को रहस्यपूर्ण घटना बन्न पुग्यो । एनसीसी बैंकलाई सुधार्छु भनेर तीन वर्षसम्म नेतृत्व लिएको राष्ट्र बैंकले त्यसको प्रतिवदेन नै सार्वजनिक गरेन ।
राष्ट्र बैंकका केही अधिकारीको पनि संलग्नता रहेकाले उक्त प्रतिवेदन सार्वजनिक नगरिएको २०७४ वैशाख १ गतेदेखि ‘एनसीसी बचाउ’ अभियान थालेका एनसीसी बैंकका एकजना कर्मचारीले बताए । उक्त घोटालामा राष्ट्र बैंककै अधिकारी संलग्न रहेको भन्दै एनसीसी बैंकका केही कर्मचारीले अख्तियार दुरुपयोग अनुसन्धान आयोगमा उजुरी समेत दिएका थिए । तर अख्तियार दुरुपयोग अनुसन्धान आयोगले उक्त मुद्दामाथि अनुसन्धान गरे–नगरेको बारे बताउन चाहेन ।
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...