काठमाडौं, ५ चैत– बलिउड चर्चित अभिनेत्री रेखाले अहिलेका अभिनेत्रीलाई निकै प्रेम गर्छिन् । चाहे दीपिका पादुकोण हुन् या विद्या बालन या त सोनम कपुर नै किन नहुन् । 

उनीहरु सबैलाई रेखाले प्रेमले हेर्छिन् । रेखा सधैँजसो अभिनेत्रीहरुको प्रंशसा गरिरहन्छिन् । उनीहरुलाई अगाडि बढ्न हौसला दिइरहन्छिन् । 

उनले फेरि एकपल्ट यो भावना प्रदर्शन गरेकी छन् । ऐश्वर्याले अभिनय क्षेत्रमा दुई दशक पूरा गरेको उपलक्ष्यमा रेखाले एक भावुक पत्र लेखेकी छन् । 

रेखाले ऐश्वर्यालाई सानदार यात्राका लागि शुभकामना दिएकी छन् । खास कुरा त के भने उनले आफैँ यो पत्रमा ‘रेखा आमा’ लेखेकी छन् । 

उनले पत्रमा लेखेकी छन्, ‘तिमीजस्ती महिला एउटा यस्तो नदी हौ, जो कुनै कृत्रिमताविना मात्र अगाडि बढिरहन चाहान्छे। ऊ आफ्नो अस्तित्व समाप्त हुन दिँदैन ।’ हिम्मतवालीको उपमा दिँदै उनले भनेकी छन्, ‘तिमीले जे गरेकीछ्यौ, त्यसले मान्छेलाई मान्छे हुन सिकाउँ छ । जसलाई मान्छेले कहिल्यै भुल्ने छैनन् ।’ 
नयाँ पत्रिकाबाट