काठमाडौं ८ चैत – मोन्टेनेगो सांगको सीमा सम्बन्धी प्रस्तावमा भोटिङ चल्दै गर्दा कोसोभोको संसदमा प्रतिपक्षी दलले अश्रु ग्यास प्रहार गरेका छन् ।

मतदान प्रभावित गर्नका लागि विपक्षी दलले संसद भवन भित्र पटक पटक अश्रुग्यास फालेपछि संसदीय कारवाही प्रभावित भएको थियो ।

विपक्षी दलले अश्रुग्यास प्रहार गरेपछि संसदमा सांसदहरुको भागाभाग चलेको थियो । संसदको सुव्यबस्थाका लागि खटिएका सुरक्षाकर्मीले फालिएका अश्रुग्यासका बट्टा बाहिर फालेका थिए ।

विपक्षी दलका सांसदले कोटको खल्तीमा लुकाएर अश्रुग्यासका डब्बा संसद भवन भित्र पुराएका थिए ।