काठमाडौं, ८ चैत-वर्ल्ड लिंक कम्युनिकेसनले नेपाली नयाँ वर्ष २०७५ को अवसर पारेर डबल ब्याण्डविथका साथमा ‘बीस तीस पचास, अफर झक्कास’ नामक योजना ल्याएको छ । यस अफरमा वर्ल्डलिंकका ग्राहकहरुले डबल ब्याण्डविथका साथमा ४४ प्रतिशतसम्म छुट र १२ महिनासम्म निशुल्क आइपी टिभी (नेट टिभी) सेवा पाउन सक्नेछन् ।

यस अफरमा वर्ल्डलिंकका ग्राहकहरूले बीस, तीस र पचास एमबीपीएस गतिको अनलिमिटेड इन्टरनेट वार्षिक १२ हजार, १४ हजार र १६ हजार रुपैयाँमै पाउने छन् । यसका साथैे एकवर्षसम्म निशुल्क नेट टिभीसमेत प्रयोग गर्न पाउनेछन् । यस्तो गतिको सुविधा ३ महिना र १ महिनाको सेवा लिन चाहनेहरूले पनि पाउने वर्ल्डलिंकले जनाएको छ ।

वर्ल्डलिंकले इन्टरनेट, आइपी टिभी, डाटा सेवा उपलब्ध गराउँदै आएको छ । यसका नेपालभर १ लाख ८० हजारभन्दा बढी सक्रिय ग्राहक छन् । मुलुकभर ४० भन्दा बढी शाखा छन् ।