जनकपुरधाम, १४ चैत-प्रदेश नम्बर २ को मन्त्रिपरिषद् बैठकले प्रदेश प्रहरी ऐन र मुख्य न्यायाधीवक्ताको काम, कर्तव्य र अधिकार सम्बन्धी ऐन निर्माण प्रक्रिया थाल्ने निर्णय गरेको छ । मन्त्रिपरिषद्को बुधबारको बैठकले आगामी साता प्रदेशसभामा पेश गर्नेगरी विधेयक निर्माण प्रक्रिया थाल्ने निर्णय गरेको हो ।

त्यसका लागि यसबीचमा विज्ञहरूसँग राय सुझाव लिने निर्णय पनि भएको स्रोतले बतायो ।

हालसम्म विभिन्न ऐन निर्माण प्रक्रियासमेत अघि नबढाएको र प्रदेश सरकार सुस्त देखिएको समाचार लोकान्तरले बुधबार नै प्रकाशित गरेको थियो ।