काठमाडौं, १६ चैत — स्टार कमेडियन कपिल शर्माको पछिल्ला दुईवटा शो कमेडी नाइट्स विथ कपिल र द कपिल शर्मा शोमा सुमोना चक्रवर्तीले शानदार अभिनय प्रदर्शन गरेकी थिइन् । 

दुवै शोमा सुमोनाले कपिलकी पत्नीको भूमिका निर्वाह गरिन् । उनीहरू दुईजनाबीचको भनाभनले दर्शकलाई खुबै हँसाउँथ्यो । कपिलको नयाँ शोमा पनि सुमोना देखिने चर्चा चलेको छ । 

कपिलले फ्यामिली टाइम विथ कपिल शर्मा राखिएको छ । अघिल्लो हप्तादेखि शुरू भएको शोप्रति दर्शकले राम्रो प्रतिक्रिया दिएका छैनन् । 

शो शुरू भएपछि कपिलका पुराना साथी अनि दादीको भूमिका निर्वाह गर्ने अली असगरले ट्वीट गरेर कपिललाई बधाई दिए । कपिलले पनि अप्रत्यक्ष रूपमा उनलाई शोमा फर्किन अनुरोध गरेका छन् ।

एजेन्सी