×

NMB BANK
NIC ASIA

केले देला केकीलाई सन्तुष्टि ?

चैत १७, २०७४

NTC
Sarbottam
Premier Steels
Marvel

सपना आ–आफ्नै हुन्छन् । रहर फरक हुन्छन् । केही गर्ने, केही बन्ने सोच हरेकको हुन्छ । कतिपय सपना हामी आफैँ देख्छौँ । कतिपय समय र परिवेशले देखाउँछ । अथवा, देख्न बाध्य बनाउँछ । मोडल, अभिनेत्री हुँदै निर्मात्रीको भूमिकामा समेत उभिएकी केकी अधिकारीको पनि एउटा सपना थिया, आफैँले देखेको । सानैदेखि पढाइमा अब्बल केकीको डाक्टर बन्ने सपना स्वाभाविक थियो । र, उनी त्यसमा उत्तिकै अडिग पनि थिइन् । ‘सानैदेखि डाक्टर बन्छु भन्ने सपना सजाएकी थिएँ,’ केकी भन्छिन्, ‘सबै कुरा सोचे/चाहेजस्तो नहुँदो रहेछ । मलाई नै थाहा छैन, कसरी मेरो सपना मोडियो भन्ने!’

Sagarmatha Cement
Muktinath Bank

स्कुलमा नृत्य र नाट्यकलामा सहभागी हुँदा पनि केकीले फिल्म खेल्ने सपना कहिल्यै देखेकी थिइनन् । एसएलसीमा ८६ प्रतिशत अंक ल्याएपछि त झन् उनका बुबाले पनि छोरीको भविष्यको एउटा आकार देखिसकेका थिए । डाक्टर बन्छे भन्ने । र, त्यही अनुसार साइन्स विषय लिएर उनी कलेज भर्ना भइन् । ‘प्लस टु’को परीक्षा दिएपछि उनले एमबिबिएसको तयारी कक्षासमेत लिइन् । यतिवेलासम्म उनी आफ्नो सपनाको सपाट आकार बनाउन दृढ थिइन् । भविष्यमा डाक्टर बन्ने सपना !


Advertisment
RMC TANSEN
IME BANK INNEWS
shivam ISLAND

                                                                         ०००


Advertisment
Nabil box
Kumari

भाग्यमा भरोसा गर्नेहरू भन्छन् नि ‘जसको भाग्यमा जे लेखिएको हुन्छ, त्यही हुने हो ।’ केकीको जीवनमा पनि त्यस्तै भयो । त्यसैले त डाक्टर बन्ने सपना बुनेकी उनी ‘रियालिटी सो’मा भाग लिन पुगिन् । तर, उनले नृत्यसम्बन्धी कुनै तालिम भने लिएकी थिइनन् । सम्झिन्, ‘टिभीमा डान्स हेरेकै भरमा मैले सो रियालिटी सोमा भाग लिएकी थिएँ । कुनै उपाधि चुम्नुभन्दा पनि दिउँसोको खाली समय सदुपयोग गर्छु भनेर परिवारको स्वीकृतिमा भाग लिएकी हुँ ।’ केकी प्रतियोगितामा द्वितीय भइन् । त्यही सो उनका लागि ‘टर्निङ प्वाइन्ट’ बन्यो ।

Vianet communication
Laxmi Bank

चिटिक्क परेको शरीर, मीठो बोली, नसालु आँखा । त्यसमाथि मन्द मुस्कानकी धनी केकी । बौद्धिकताले तीक्ष्ण थिइन्, केकी । त्यसैले त रियालिटी सोका क्रममा टिभीमा देखेकै भरमा उनलाई एउटा अफर आयो– एड एजेन्सीबाट । उनले ‘क्लोज अप’को प्रमोसनका लागि काम गर्नुपर्ने थियो । ‘डिल ओके’ गरिन् । त्यसपछि बदलियो, उनको सपना । फेरियो, इच्छाएको बाटो । भन्छिन्, ‘त्यसपछि म एमबिबिएसको परीक्षा दिन गइनँ र विषय परिवर्तन गरेर बिआइएम (म्यानेजमेन्ट)मा भर्ना भएँ ।’ उनी यसलाई भाग्यको खेल भन्न रुचाउँछिन् । ‘भाग्यमा जे लेखेको छ, त्यही भन्छन् नि !मेरो जीवनमा पनि त्यस्तै भयो,’ उनले भनिन् ।

सुरुवाती दिनमा पनि केकीलाई क्यामेरासँग कहिल्यै डर लागेन । न मान्छेदेखि लाज नै लाग्यो । न कामप्रति झन्झट अनुभव भयो । हरेक कुरालाई आत्मविश्वासका साथ ‘फेस’ गर्न सक्थिन्, उनी । निकै आँटिली । त्यसैले त उनका अगाडि अवसर पनि त्यत्तिकै थिए । यसरी नै उनको मोडलिङ यात्रा सुरु भयो । र, उनले मोडलिङ गरेको पहिलो गीत ‘वनमा फुल्यो फूल’ एकाएक हिट भयो । गीत हिट अर्थात् केकी पनि हिट ।

अब उनलाई यो क्षेत्र प्रिय लाग्न थाल्यो । कलाकारितामा रस बस्यो । मोह जाग्यो । यसैमा भिज्ने, रमाउने इच्छा जाग्यो । ‘पहिलो गीत फ्लप भइदिएको भए के हुन्थ्यो मलाई थाहा छैन । मोडलिङ क्षेत्रमा पहिलो पाइलामै सफलता पाएकाले ममा थप उत्साह जाग्यो,’ उनले उत्साहित हुँदै त्यो दिन स्मरण गरिन् । एक वर्ष त उनी म्युजिक भिडियोमै रमाइन् । करिब ३० वटा म्युजिक भिडियोमा अभिनय गरिन् ।

त्यसपछि केकीका लागि फिल्मको ढोका खुल्यो । उनको अभिनय क्षमताबाट प्रभावित भएका निर्देशक प्रसन्न पौडेलले जुराइदिए, पहिलो अवसर । र, उनले ‘स्वर’ फिल्ममार्फत नेपाली सिनेजगत्मा डेब्यु गरिन् । नायिकाका रूपमा परिचयको ढोका उघारिन् । जिन्दगीमा अभिनेत्री बन्छु भन्ने उनले कल्पनासमेत गरेकी थिइनन्, तर भइन् । योसँगै उनको डाक्टर बन्ने सपना अभिनेत्रीमा परिणत भयो – १७ वर्षकै उमेरमा ।

०००

‘पहिलो फिल्मपछि म यस क्षेत्रमा झन् रमाउन थालेँ, लाग्यो जिन्दगीमा म खुसी हुन सक्ने फिल्ड नै यही हो,’ केकी भन्छिन्, ‘अनि आफूलाई यस क्षेत्रमै डेडिकेटेड बनाउँदै लगेँ ।’ त्यसपछि केकीको पाइला किन रोकिन्थ्यो र ? सुरुवाती दिनमै त्यसवेला चलेका नायक आर्यन सिग्देलसँग ‘आइ एम सरी’मा काम गर्ने अवसर पाइन्, उनले । त्यस दिनदेखि कहिल्यै फर्केर पछाडि हेर्नुपरेन, केकीले । उनका फिल्म हिट नभए पनि फ्लप पनि भएनन् । केकी भने हिट हुँदै गइन् । फिल्मी क्षेत्रमा उनको क्रेज बढ्दै गयो । यहाँसम्म आइपुग्दा स्थापित अभिनेत्रीका रूपमा उनले आफ्नो परिचय बनाइसकेकी छिन् ।

केकी म्युजिक भिडियो र फिल्ममा सफल भएको धेरैले देखेका छन् । तर, त्यति मात्र होइन, उनले आफ्नो पढाइलाई पनि निरन्तर अघि बढाएकी छिन् । केकीले एमबिए पास गरिसकिन् । सबै कुरालाई एकसाथ कसरी म्यानेज गर्छिन् त उनी ? भन्छिन्, ‘समयको सही ढंगले व्यवस्थापन गर्न सक्ने हो भने हामी हरेक कुरामा सफल हुन सक्छौँ ।’ कतिपय अवस्थामा त उनले सुटिङको ब्रेक टाइममा पनि आफ्नो असाइमेन्ट गरेकी छिन् । तर, समय सधैँ एकनासको कहाँ हुन्छ र ! बिहान ५ बजेसम्म सुटिङ गरेर परीक्षा दिन गएको अनुभव पनि छ, उनीसँग ।

‘स्वर’ देखि ‘घामपानी’सम्म आइपुग्दा केकीका फिल्म त्यति हिट भएनन् । घामपानी उनको पहिलो हिट फिल्म थियो । जसले करोड क्रस व्यापार गर्‍यो । हिट केकीका फिल्मचाहिँ किन हिट हुन नसकेका होलान् त ? ‘मैले आफूले सकेको गर्ने हो । मलाई लाग्छ, सबै फिल्ममा सकेको गरेकी छु, जानेको क्षमता देखाएकी छु,’ भन्छिन्, ‘एउटा फिल्म हिट बनाउन मेरो मात्र हात रहँदैन । फिल्म नचल्नुको दोष कलाकारलाई मात्रै दिनु सायद मूर्खता हो । जस, अपजस सबै टिम वर्करलाई जानुपर्छ ।’ घामपानीपछि उनको ऐश्वर्या चलचित्रले पनि राम्रै कलेक्सन गर्‍यो । ‘ब्लक बस्टर’ होस् भन्ने मनसाय राखेर आफूले कहिल्यै फिल्म नखेलेको केकी बताउँछिन् । त्यसो त मसान, लाभ सासा, राज्जारानी, फन्को, हाउ फन्नी, आइ एम सरी फिल्मबाट उनी राम्रै चर्चा बटुल्न सफल भइन् ।

यतिवेला उनी अभिनेत्रीबाट निर्मात्रीसमेत भइसकेकी छिन् । उनको फिल्म ‘कोहलपुर एक्सप्रेस’ नयाँ वर्षमा आउने भएको छ । फिल्मको ‘सिओडब्लू काउ’ बोलको गीतले राम्रै चर्चा बटुलिसकेको छ । गीतको चर्चासँगै फिल्मलाई लिएर उनी निकै सिरियस छिन् । अभिनेत्रीका रूपमा कमाएको लोकप्रियता निर्मात्री बनेर डुब्ला कि भन्ने डर लाग्दैन त उनलाई ? ‘१० वर्षसम्म यस क्षेत्रमा रहेर मैले बुझेको, भोगेको कुराबाट सिकेर नयाँ यात्रा तय गरेकी हुँ । त्यसैले आफ्नो बेस्ट दिने प्रयास गरेकी छु,’ केकी भन्छिन्, ‘इट्स टाइम टु गिभ ब्याक । आशा छ, सधैँझँै दर्शकले मलाई माया दिइरहनुहुनेछ । मैले पनि उहाँहरूलाई निरास बनाउने खालको फिल्म बनाएकी छुजस्तो लाग्दैन ।’

०००

निर्मात्रीका रूपमा उभिँदा केकीले अलि भिन्दै खालको अनुभव सँगालेकी छिन् । खेल्न जति सजिलो फिल्म बनाउन छैन भन्ने उनले बुझिसकिन् । तर, उनको सपना यति मात्र होइन । भन्छिन्, ‘कोहलपुर एक्सप्रेस’ सुरुवात मात्र हो, अन्त्य होइन ।’ अन्त्यचाहिँ केबाट गर्न चाहन्छिन् त उनी ? ‘मानिस कहिल्यै कुनै पनि कुराले सन्तुष्ट हुँदैन । म पनि त्यही मान्छे हुँ । यसलाई म पोजेटिभ रूपमा लिन्छु । किनकि असन्तुष्टिले केही गरेकोगर्‍यै गर्ने ऊर्जा थप्छ,’ २८ वर्षकी केकी भन्छिन्, ‘मलाई लाग्छ, म सधैँभरि असन्तुष्ट नै भइरहूँ ।’

कृष्ण आचार्य, नयाँ पत्रिका

hAMROPATRO BELOW NEWS
TATA Below
कात्तिक २३, २०८०

मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...

पुस १०, २०८०

कलाकार शिशिर भण्डारीले आफ्नो हिट गीत ‘फोटो फिरिममा’ शीर्षकमा टेलिसिरियल ल्याउने भएका छन् ।  निर्माणको तयारी सुरु भइसकेको टेलिसिरियलमा उनकै कथा, पटकथा एवं संवाद लेखन रहनेछ ।  उ...

मंसिर १४, २०८०

नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ ।  चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...

मंसिर १७, २०८०

गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...

कात्तिक १९, २०८०

अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् ।  शुक्रवार राती नेपालमा गएको भूकम्पमा ज्यान गु...

पुस २२, २०८०

हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x