‘आफ्नो लडाइमा म बेसहारा छु किनकी मेरो समस्या कसैले देख्दैन जसका कारण मैले यस्तो कदम चाल्नु प¥यो र सार्वजनिक स्थानमा कपडा उतार्नु पर्‍यो ।’

यो भनाइ तेलुगु फिल्म अभिनेत्री श्रीरेड्डी मल्लिडीको हो । 

तेलगु फिल्म उद्योगमा कथित यौन उत्पीडनका विरुद्ध आफ्नो विरोध जनाउँदै गत हप्ता हैदराबादको फिल्म नगरीमा मूभी आर्टिस्ट एसोसिएशनको कार्यक्रममा श्रीरेड्डीले आफ्नो कपडा उतारेकी थिइन् । 

श्रीरेड्डीका अनुसार आफ्नो कुरा भन्न र सरकारसँग आफ्नो माग राख्न उनीसँग यहि एउटामात्र बाटो बाँकी थियो । 

उनी प्रश्न गर्छिन्,‘जब फिल्म दुनियाका मानिस मलाई मेरो नाङ्गो तस्वीर तथा भिडियो पठाउ भन्छन् भने फेरि म सार्वजनिक स्थानमा लुगा किन नउतारु ।’

श्रीरेड्डीले तेलुगू फिल्ममा केही सानो तिनो भूमिका निभाउने गरेकी थिइन् तर यस घटनापछि उनको चर्चा ह्वात्तै बढेको छ ।