मंसिर ८, २०८०
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
सुर्खेत, ३ वैशाख - स्वैच्छिक अवकाश रोजेका माओवादीका पूर्व लडाकु अहिले आर्थिक क्रान्तिमा जुटेका छन् । वैच्छिक अवकाश रोजेका कर्णाली प्रदेशका उनीहरुले विभिन्न व्यवसायमा लागेर आर्थिक समृद्धिको बाटो रोजेका हुन् ।
माओवादी सशस्त्र द्वन्द्वको उद्गम थलोका रुपमा रहेको कर्णाली प्रदेशबाट करीब तीन हजार २०० को हाराहारीमा क्यान्टोनमेन्ट छिरेकामध्ये अधिकांश लडाकुले स्वैच्छिक अवकाश रोजेका थिए ।
स्वैच्छिक अवकाश रोजेकामध्ये कुनै समय हतियार खेलाउने सुर्खेत वीरेन्द्रनगरका ओमप्रसाद पौडेल (रमेश) हातहरु अहिले कर्णाली प्रदेशको राजधानी वीरेन्द्रनगर–६ बुद्धपथमा मोटरसाइकलका सामग्री बेच्न व्यस्त हुनुहुन्छ ।
रमेशले स्वेच्छिक अवकाशवापत रु सात लाख पाउनुभएको थियो । रमेशमात्र होइन उहाँकी पत्नी आशा पौडेल (कल्पना) पनि पूर्व लडाकु नै हुनुहुन्छ । उहाँले पनि स्वैच्छिक अवकाश रोज्नुभएको थियो । श्रीमानले रु सात लाख र श्रीमतीले रु सात लाख गरेर उहाँहरुले रु १४ लाख स्वैच्छिक अवकाशवापत पाउनुभएको थियो ।
उहाँहरू दुबैले रु १३ लाखको लगानीमा २०६९ फागुनमा वीरेन्द्रनगरमा मोटरसाइकलको अटोपार्टस पसल स्थापना गर्नुभएकामा अहिले करिव रु ४० लाख बराबरको सामान छ । अटोपार्टस पसलबाट मासिक खर्च कटाएर रु एक लाख ३० हजारसम्म आम्दानी हुने रमेशको भनाइ छ ।
दिनरात नभनी खटिने रमेश र कल्पनाको पसलमा दुईजना मजदूर पनि छन् । विसं २०५५मा पार्टीमा छापामार दलको सदस्यबाट राजनीति शुरु गर्नुभएका रमेश बिग्रेडियर कमाण्डरसम्म हुनुभयो भने उहाँकी पत्नी पनि बिग्रेडियर सहकमाण्डरसम्म बन्नुभएको थियो । त्यसबखत रमेशले सुर्खेतको दशरथपुरमा छैटौँ डिभिजनअन्तर्गत जित स्मृति बिग्रेडको कमाण्डरका रुपमा काम गर्ने अवसर प्राप्त गर्नुभएको थियो भने कल्पना पनि छैटौँ डिभिजनअन्तर्गत बिग्रेड सहकमाण्डरका रुपमा काम गर्ने अवसर प्राप्त गर्नुभएको थियो ।
उहाँहरूको जोडीले दाङ घोराहीमा सेनाको क्याम्पबाट हतियार लुट्नेदेखि अछाम, साँफेबगर, अर्घाखाँची, जुम्ला, गण्डक क्षेत्रका विभिन्न कारवाही र कालीकोटको पिलीलगायतका ठाउँको आक्रमणमा नेतृत्वदायी भूमिका निर्वाह गरेकोे थियो । अहिले रमेश र कल्पना जोडी पार्टीको शुभचिन्तकका रुपमा रेहेकोे छ । उहाँहरु दुवैजनाको शरीरमा अहिले पनि बन्दुकका गोली छन् । जति क्रान्तिका कुरा गरे पनि हरेक परिवारको आर्थिक उन्नति नभएसम्म देश समृद्ध हुन नसक्ने रमेश बताउनुहुन्छ । नेताहरुले आफ्नो स्वार्थका लागि सोझा, सिधा नागरिकलाई प्रयोग गर्ने गरेको छन् भन्दै उहाँले मानिसको सोच र व्यवहारमा परिवर्तन नआएसम्म जतिसुकै क्रान्तिका कुरा गरे पनि केही नहुनेमा जोड दिनुहुन्छ ।
त्यस्तै स्वैच्छिक अवकाश रोज्नेमध्येका सर्केगाड गाउँपालिका–५ (साविक गोठी–९) हुम्लाका टक्कबहादुर शाही (आजीवन) त्यसबखत युद्धका हतियार र बम बनाउन व्यस्त हुनुहुन्थ्यो । सेना समायोजन हुँदा स्वैच्छिक अवकाश रोज्नुभएका टक्कले रु पाँच लाख पाएर कर्णाली प्रदेशको राजधानीमा २०६९ फागुनमा एञ्जल मोबाइल पसल स्थापना गर्नुभएको थियो । उहाँको पसलमा अहिले रु १२ लाख बराबरको मोबाइल तथा अन्य इलेक्ट्रोनिक्स सामान छन् । मोबाइल पसलबाट मासिक खर्च कटाएर रु ५० हजारदेखि रु ८० हजारसम्म आम्दानी हुने टक्कबहादुर बताउनुहुन्छ ।
त्यस्तै तिला गापा–१ रारा जुम्लाका मंगल नेपाली (डेन्जर) छैटाँै डिभिजनको जित स्मृति बिग्रेडको स्वास्थ्य विभागमा रहेर थुप्रै घाइते लडाकुको उपचार गर्नुहुन्थ्यो । स्वेछिक अवकाशबाट पाएको रू पाँचलाखबाट वीरेन्द्रनगरको मंगलगडी चोकमा कोल्ड स्टोर सञ्चालन गर्नुभएका उहाँको पसलमा अहिले रु १७÷१८ लाखबराबरको सामान छ भने मासिक रु ५० हजारभन्दा बढीको आम्दानी हुँदै आएको छ ।
आफ्नो टाउको र खुट्टामा गोली लागेर अपाङ्ग जीवन बिताइरहनुभएका मंगल भन्नुहुन्छ, “विगतमा आफूले जनसेना भएर निर्वाह गरेको भूमिकाकै कारण देशमा राजनीतिक परिवर्तन भएको हो ।”
उतिबेला क्रान्तिमा होमिए पनि अब आर्थिक क्रान्ति गर्ने बेला आएको नेपालीको बुझाइ छ । जे गरे पनि आखिर चाहिने पैसै रहेछ । जुम्ला, अर्घाखाँची, अछाम, दाङ, सतवरिया, खारा, पिलीलगायतका ठूला आक्रमणमा स्वास्थ्यकर्मीको भूमिका निर्वाह गर्नुभएका उहाँ अहिले आर्थिक समृद्धिको बाटोमा लाग्नुभएको छ ।
स्वैच्छिक अवकाश रोजेका पूर्वलडाकुमध्ये केही विदेश गएका छन् भने बाँकीले विभिन्न ठाउँमा केही न केही व्यवसाय गरेर आर्थिक उपार्जनको काम गरिरहेका छन् । राज्यकोषबाट प्राप्त रकम कुनै पनि पेशा व्यवसायमा लगानी गर्नु राम्रो भएको माओवादी केन्द्रका युवानेता रामदीप आचार्य बताउनुहुन्छ ।
स्वैच्छिक अवकाश पाएका लडाकुलाई विभिन्न व्यवसाय गर्न सजिलो भए पनि अनमिनको प्रमाणीकरणमा पर्न नसकेका घाइते तथा अपाङ्ग पूर्व लडाकुलाई भने जीवन निर्वाहमा निकै समस्या परेको आचार्यको भनाइ छ ।
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...